as

ലൈഫ്: സ്വപ്​നക്ക്​ കമീഷൻ ലഭിച്ചതെന്തിനെന്ന് മുഖ്യമന്ത്രി വ്യക്തമാക്കണം -കെ. സുരേന്ദ്രൻ കോഴിക്കോട്: ലൈഫ് മിഷൻ പദ്ധതിയിൽ സ്വപ്​നക്ക്​ കമീഷൻ ലഭിച്ചതെന്തിനെന്ന് മുഖ്യമന്ത്രി വ്യക്തമാക്കണമെന്ന് ബി.ജെ.പി സംസ്ഥാന പ്രസിഡൻറ്​ കെ. സുരേന്ദ്രൻ വാർത്തസമ്മേളനത്തിൽ ആവശ്യപ്പെട്ടു. ചാരിറ്റി സംഘടനയായ റെഡ് ക്രസൻറ്​ ലൈഫ്​ മിഷന് നൽകിയ സേവനത്തിൽ എവിടെയാണ് കമീഷൻ വരുന്നത്​. സർക്കാറുമായി എം.ഒ.യു ഉണ്ടാക്കിയ സംഘടന നടപടിക്രമങ്ങളെല്ലാം പൂ‌ർത്തിയാക്കിയിട്ടുണ്ടോ. പണിപൂർത്തിയാകും മുമ്പ് സ്വപ്​നക്ക്​ കമീഷൻ കൊടുത്തതും അത് ലോക്കറിലേക്ക് മാറ്റാൻ ശിവശങ്കരൻ ഇടപെട്ടതും ലൈഫി​ൻെറ ചെയ‌ർമാനായ മുഖ്യമന്ത്രിയല്ലാതെ മറ്റാരാണ് അറിയുക -സുരേന്ദ്രൻ ചോദിച്ചു.