കലയുടെ പെരുമ്പറ; ആവേശത്തോടെ ജി​ല്ല ക​ലോ​ത്സ​വം

ആസ്വാദനം @ പേരാമ്പ്ര സ്റ്റൈൽ

ജി​ല്ല ക​ലോ​ത്സ​വം ര​ണ്ടു​നാ​ൾ പി​ന്നി​ട്ട​പ്പോ​ൾ ക​ലാ​കൗ​മാ​ര​ത്തെ നെ​ഞ്ചേ​റ്റാ​നെ​ത്തു​ന്ന​ത് ഏ​റെ​യും കൗ​മാ​ര​ക്കാ​ർ. എ​ല്ലാ വേ​ദി​ക​ളി​ലും തി​ങ്ങി​നി​റ​യു​ന്ന കാ​ണി​ക​ൾ പേ​രാ​മ്പ്ര​യു​ടെ ക​ലാ​സ്വാ​ദ​ന മ​ന​സ്സി​ന്റെ ദൃ​ഷ്ടാ​ന്ത​മാ​യി. ദാ​റു​ന്നു​ജും കോ​ള​ജ് ഗ്രൗ​ണ്ടി​ൽ ന​ട​ക്കു​ന്ന നാ​ട​കം കാ​ണാ​ൻ ര​ണ്ട് ദി​വ​സ​മാ​യി രാ​പ​ക​ൽ ഭേ​ദ​മി​ല്ലാ​തെ അ​ണ​മു​റി​യാ​ത്ത ജ​ന​ക്കൂ​ട്ട​മാ​ണ്. ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള നാ​ട​കാ​സ്വാ​ദ​ക​ർ പേ​രാ​മ്പ്ര​യി​ൽ എ​ത്തി​യി​ട്ടു​ണ്ട്. സം​ഘ​നൃ​ത്തം ന​ട​ക്കു​ന്ന പേ​രാ​മ്പ്ര ഹ​യ​ർ സെ​ക്ക​ൻ​ഡ​റി​യി​ലെ പ്ര​ധാ​ന വേ​ദി​യി​ലും കാ​ണി​ക​ളു​ടെ വ​മ്പ​ൻ കൂ​ട്ട​മാ​ണ്. തി​രു​വാ​തി​ര, മാ​ർ​ഗം​ക​ളി ഉ​ൾ​പ്പെ​ടെ അ​ര​ങ്ങേ​റി​യ ര​ണ്ടാം വേ​ദി​യി​ലും ജ​ന​ത്തി​ര​ക്കി​ന് കു​റ​വി​ല്ല.

ഭ​ര​ത​നാ​ട്യം, വ​ഞ്ചി​പ്പാ​ട് എ​ന്നി​വ അ​ര​ങ്ങേ​റി​യ പേ​രാ​മ്പ്ര ടൗ​ൺ​ഹാ​ളും പ്രേ​ക്ഷ​ക​ർ കൈ​യ​ട​ക്കി. ദ​ഫ് മു​ട്ട്, അ​റ​ബ​ന​മു​ട്ട്, മാ​പ്പി​ള​പ്പാ​ട്ട് തു​ട​ങ്ങി​യ​വ​ക്കും ക​ലാ​സ്വാ​ദ​ക​രു​ടെ തി​ര​ക്കാ​യി​രു​ന്നു. പ​ല വേ​ദി​ക​ൾ​ക്ക് മു​ന്നി​ലും സം​ഘാ​ട​ക​ർ നി​ര​ത്തി​യ ക​സേ​ര​ക​ൾ അ​പ​ര്യാ​പ്ത​മാ​യി​രു​ന്നു.

പൂച്ചകളുടെയും എലികളുടെയും കഥപറഞ്ഞ ഓസ്കർ പുരുഷു കൊല്ലത്തേക്ക്

പേ​രാ​മ്പ്ര: പൂ​ച്ച​ക്ക് മ​ണി​കെ​ട്ടി​യാ​ൽ എ​ലി​ക​ളു​ടെ പോ​രാ​ട്ടം അ​വ​സാ​നി​ക്കു​മോ ? ഇ​ല്ലെ​ന്ന് വ്യ​ക്ത​മാ​ക്കി തി​രു​വ​ങ്ങൂ​ർ ഹ​യ​ർ സെ​ക്ക​ൻ​ഡ​റി സ്കൂ​ൾ അ​വ​ത​രി​പ്പി​ച്ച ‘ഓ​സ്ക​ർ പു​രു​ഷു’ എ​ന്ന നാ​ട​കം ഹൈ​സ്കൂ​ൾ വി​ഭാ​ഗ​ത്തി​ൽ ഒ​ന്നാം സ്ഥാ​നം നേ​ടി. ശി​വ​ദാ​സ് പൊ​യി​ൽ​ക്കാ​വ് ര​ച​ന​യും സം​വി​ധാ​ന​വും നി​ർ​വ​ഹി​ച്ചു.

സ​നി​ലേ​ഷ് ശി​വ​ൻ സ​ഹ സം​വി​ധാ​ന​വും. വീ​രാ​ൻ കു​ട്ടി​യു​ടെ മ​ണി​കെ​ട്ടി​യ​തി​നു​ശേ​ഷ​മു​ള്ള പൂ​ച്ച​യു​ടെ​യും എ​ലി​ക​ളു​ടേ​യും ജീ​വി​തം എ​ന്ന ക​വി​ത​യി​ൽ​നി​ന്നു പ്ര​ചോ​ദ​നം ഉ​ൾ​ക്കൊ​ണ്ട് രൂ​പ​പ്പെ​ടു​ത്തി​യ​താ​ണ് നാ​ട​കം. കീ​ർ​ത്ത​ന എ​സ്. ലാ​ൽ, ടി.​വി. ആ​യി​ഷ ഹെ​ബാ​ൻ, ല​ക്ഷ്മി പ്രി​യ, ശ്രീ​പാ​ർ​വ​തി, ലി​യാ​ന ബീ​വി, ശി​വാ​നി ശി​വ​പ്ര​കാ​ശ്, ദൃ​ശ​സാ​യി, വി. ​വി​ശാ​ൽ, അ​ർ​ജു​ൻ ബാ​ബു എ​ന്നി​വ​രാ​ണ് ടീം. ​നാ​ട​ക​ത്തി​ൽ രാ​ഗേ​ന്ദു പൂ​ച്ച​യാ​യി വേ​ഷ​മി​ട്ട കീ​ർ​ത്ത​ന എ​സ്‌. ലാ​ൽ മി​ക​ച്ച ന​ടി​യാ​യി. നി​ധീ​ഷ് പൂ​ക്കാ​ട്, ഹാ​റൂ​ൺ അ​ൽ ഉ​സ്മാ​ൻ എ​ന്നി​വ​രാ​ണ് നാ​ട​ക​ത്തി​ന്റെ ആ​ർ​ട്ട്.

ലളിത മനോഹര ഗാനവുമായി സാരംഗ് സംസ്ഥാനതലത്തിലേക്ക്

​രാ​മ്പ്ര: ശ്യാ​മ സ​ന്ധ്യാ വ​നി​യി​ൽ... ല​ളി​ത മ​നോ​ഹ​ര ഗാ​ന​വു​മാ​യി സാ​രം​ഗ് സം​സ്ഥാ​ന​ത​ല​ത്തി​ലേ​ക്ക്. ആ​ൺ​കു​ട്ടി​ക​ളു​ടെ ല​ളി​ത​ഗാ​ന മ​ത്സ​ര​ത്തി​ൽ സി​ൽ​വ​ർ ഹി​ൽ​സ് ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ഒ​ന്നാം​വ​ർ​ഷ സ​യ​ൻ​സ് വി​ദ്യാ​ർ​ഥി​യാ​യ സാ​രം​ഗ് എ ​ഗ്രേ​ഡോ​ടെ ഒ​ന്നാം​സ്ഥാ​നം നേ​ടി. പ​ത്താം ക്ലാ​സി​ൽ ക​ഥ​ക​ളി സം​ഗീ​ത​ത്തി​ൽ സം​സ്ഥാ​ന യു​വ​ജ​നോ​ത്സ​വ​ത്തി​ൽ എ ​ഗ്രേ​ഡ് നേ​ടി​യി​രു​ന്നു. ആ​ന​ന്ദ് കാ​വും​വ​ട്ട​മാ​ണ് ഗു​രു. ഈ ​വ​ർ​ഷം അ​ഞ്ച് ഇ​ന​ങ്ങ​ളി​ൽ സാ​രം​ഗ് മ​ത്സ​ര രം​ഗ​ത്തു​ണ്ട്. ശാ​സ്ത്രീ​യ സം​ഗീ​തം, ക​ഥ​ക​ളി സം​ഗീ​തം, സം​ഘ​ഗാ​നം, ദേ​ശ​ഭ​ക്തി ഗാ​നം എ​ന്നി​വ​യി​ലാ​ണ് സാ​രം​ഗ് മ​ത്സ​രി​ക്കു​ന്ന​ത്.

സാക്കി ദ സ്റ്റാർ...

പി​താ​വി​ന്റെ വ​ഴി​യെ അ​ഭി​ന​യ​രം​ഗ​ത്ത് ചു​വ​ടു​റ​പ്പി​ക്കാ​ൻ ശ്ര​മി​ക്കു​ക​യാ​ണ് കോ​ഴി​ക്കോ​ട് സി​ൽ​വ​ർ ഹി​ൽ​സ് സ്കൂ​ളി​ലെ സി​യാ​ദ് സാ​ക്കി. ഹ​യ​ർ സെ​ക്ക​ൻ​ഡ​റി വി​ഭാ​ഗം മോ​ണോ​ആ​ക്ട് മ​ത്സ​ര​ത്തി​ലാ​ണ് സാ​ക്കി സം​സ്ഥാ​ന മ​ത്സ​ര​ത്തി​ൽ പ​ങ്കെ​ടു​ക്കാ​ൻ യോ​ഗ്യ​ത നേ​ടി​യ​ത്. സാ​ക്കി​യു​ടെ പി​താ​വ് ന​ട​ക്കാ​വ് സ്വ​ദേ​ശി മു​ഹ​മ്മ​ദ് നി​സാ​ർ സി​നി​മാ ന​ട​നാ​ണ്.

സ്ഫ​ടി​കം, ആ​റാം ത​മ്പു​രാ​ൻ, ഞാ​ൻ തു​ട​ങ്ങി​യ സി​നി​മ​ക​ളി​ൽ ശ്ര​ദ്ധേ​യ വേ​ഷം ചെ​യ്ത നി​സാ​ർ അ​സി​സ്റ്റ​ന്റ് ഡ​യ​റ​ക്ട​റാ​യും പ്ര​വ​ർ​ത്തി​ച്ചി​രു​ന്നു. ഇ​തു​വ​രെ അ​ഭി​ന​യ രം​ഗ​ത്തൊ​ന്നും ഇ​ല്ലാ​തി​രു​ന്ന സാ​ക്കി​യെ സ്കൂ​ളി​ലെ മ​ല​യാ​ളം അ​ധ്യാ​പ​ക​ൻ ഷാ​ജി​യാ​ണ് ഏ​കാ​ഭി​ന​യ​ത്തി​ലേ​ക്ക് കൈ​പി​ടി​ച്ചു​യ​ർ​ത്തി​യ​ത്. പ്ല​സ് ടു ​സ​യ​ൻ​സ് വി​ദ്യാ​ർ​ഥി​യാ​യ ഈ ​മി​ടു​ക്ക​ൻ, ബ​സ​പ​ക​ട​ത്തി​ൽ മ​രി​ച്ച ദ​മ്പ​തി​ക​ളു​ടെ മ​ക​ൻ അ​നു​ഭ​വി​ച്ച വേ​ദ​ന​ക​ളാ​ണ് അ​വ​ത​രി​പ്പി​ച്ച​ത്.

ദഫ്മുട്ട് മത്സരത്തിലെ വിധികര്‍ത്താക്കള്‍ക്കെതിരെ പരാതി; വേദിക്കരികെ ബഹളം

പേ​രാ​മ്പ്ര: ഹൈ​സ്കൂ​ൾ വി​ഭാ​ഗം ദ​ഫ്മു​ട്ട് മ​ത്സ​ര​ത്തി​ലെ ഫ​ല​പ്ര​ഖ്യാ​പ​ന​ത്തി​ൽ അ​ഴി​മ​തി ആ​രോ​പി​ച്ച് മ​റ്റു മ​ത്സ​രാ​ർ​ഥി​ക​ളും പ​രി​ശീ​ല​ക​രും രം​ഗ​ത്തെ​ത്തി. ഒ​ന്നാം സ്ഥാ​നം ന​ൽ​കി​യ​തി​ൽ വി​ധി​ക​ര്‍ത്താ​ക്ക​ള്‍ക്കെ​തി​രെ ഗു​രു​ത​ര ആ​രോ​പ​ണ​മു​ന്ന​യി​ച്ചാ​ണ് മ​റ്റു ടീ​മു​ക​ൾ സ്റ്റേ​ജി​ന​ടു​ത്ത് ബ​ഹ​ളം​വെ​ച്ച​ത്. മി​ക​ച്ച പ്ര​ക​ട​നം കാ​ഴ്ച​വെ​ച്ച പ​ല​രെ​യും തോ​ല്‍പി​ച്ചെ​ന്നാ​ണ് പ​രാ​തി. ഒ​ന്നാം സ്ഥാ​നം കൊ​ടു​ത്ത​തി​ൽ അ​ഴി​മ​തി ന​ട​ന്നി​ട്ടു​ണ്ടെ​ന്നും സ്ഥി​ര​മാ​യി ഒ​രു പ​രി​ശീ​ല​ക​ന്റെ നേ​തൃ​ത്വ​ത്തി​ൽ പ​രി​ശീ​ല​നം നേ​ടി​യ സ്കൂ​ളി​നാ​ണ് ഒ​ന്നാം സ്ഥാ​നം കൊ​ടു​ക്കു​ന്ന​തെ​ന്നു​മാ​ണ് ആ​രോ​പ​ണം.

മൂന്ന് കഥാപാത്രങ്ങളെ അവിസ്മരണീയമാക്കിയ ഫിദൽ മികച്ച നടൻ

പേ​രാ​മ്പ്ര: മേ​മു​ണ്ട ഹ​യ​ർ സെ​ക്ക​ൻ​ഡ​റി സ്കൂ​ളി​ലെ എ​ട്ടാം ക്ലാ​സു​കാ​ര​ൻ ഫി​ദ​ർ ഗൗ​തം ഹൈ​സ്കൂ​ൾ വി​ഭാ​ഗം നാ​ട​ക മ​ത്സ​ര​ത്തി​ലെ മി​ക​ച്ച ന​ട​ൻ. ചേ​രി​യി​ലെ കു​ട്ടി​ക​ളു​ടെ ക​ഥ പ​റ​യു​ന്ന ഷി​റ്റ് എ​ന്ന നാ​ട​ക​ത്തി​ലെ മൂ​ന്ന് ക​ഥാ​പാ​ത്ര​ങ്ങ​ൾ​ക്കാ​ണ് ഗൗ​തം ജീ​വ​ൻ ന​ൽ​കി​യ​ത്. ചേ​രി​യി​ലെ കു​ട്ടി, വൃ​ദ്ധ​ൻ, സി​നി​മ സം​വി​ധാ​യ​ക​ൻ തു​ട​ങ്ങി​യ ക​ഥാ​പാ​ത്ര​ങ്ങ​ളെ​യാ​ണ് ഗൗ​തം അ​ര​ങ്ങി​ലെ​ത്തി​ച്ച​ത്.

ജി​നോ ജോ​സ​ഫ് സം​വി​ധാ​നം ചെ​യ്ത നാ​ട​ക​ത്തി​ന് ഒ​രു പോ​യ​ന്റി​ന്റെ വ്യ​ത്യാ​സ​ത്തി​ലാ​ണ് ഒ​ന്നാം സ്ഥാ​നം ന​ഷ്ട​മാ​യ​ത്. സം​സ്ഥാ​ന ക​ലോ​ത്സ​വ​ത്തി​നാ​യി അ​പ്പീ​ൽ ന​ൽ​കി​യി​ട്ടു​ണ്ട്. വ​ട​ക​ര കു​ട്ടോ​ത്ത് തി​രു​വോ​ത്ത് ത​റേ​മ്മ​ൽ പി. ​പ്ര​വീ​ണി​ന്റെ​യും മാ​യ​യു​ടെ​യും മ​ക​നാ​ണ് ഫി​ദ​ൽ ഗൗ​തം. ജി​ല്ല​ത​ല ശാ​സ്ത്ര നാ​ട​ക​ത്തി​ലും മി​ക​ച്ച ന​ട​ൻ ഗൗ​ത​മാ​യി​രു​ന്നു.