പൊളിഞ്ഞുവീഴാറായി നഗരത്തിലെ പുരാതന കെട്ടിടങ്ങൾ

കോ​ഴി​ക്കോ​ട്: ന​ഗ​ര​ത്തി​ലെ പ​ഴ​യ കെ​ട്ടി​ട​ങ്ങ​ൾ യാ​ത്ര​ക്കാ​ർ​ക്ക് ഭീ​ഷ​ണി​യാ​വു​ന്ന നി​ല തു​ട​രു​ന്നു. ഏ​റ്റ​വു​മൊ​ടു​വി​ൽ സി​ൽ​ക്ക് സ്​​ട്രീ​റ്റ് വെ​സ്റ്റ് റോ​ഡി​ലെ പ​ഴ​യ ഇ​രു​നി​ല മാ​ളി​ക​യാ​ണ് റോ​ഡി​ലേ​ക്ക് അ​ട​ർ​ന്നു​വീ​ണ​ത്. തു​ലാ​മ​ഴ​യി​ൽ ഓ​ടും ഇ​ഷ്ടി​ക​യു​മ​ട​ക്ക​മാ​ണ് റോ​ഡി​ലേ​ക്ക് വീ​ണ​ത്.

വ​ലി​യ​ങ്ങാ​ടി​യി​ലേ​ക്കും ഗ​ണ്ണി സ്ട്രീ​റ്റി​ലേ​ക്കും കോ​ർ​ട്ട് റോ​ഡി​ലേ​ക്കും പ​ട്ടു​തെ​രു​വി​ലേ​ക്കും ബീ​ച്ചി​ലേ​ക്കു​മെ​ല്ലാം നൂ​റു​ക​ണ​ക്കി​നാ​ളു​ക​ൾ പോ​വു​ന്ന തി​ര​ക്കേ​റി​യ ​റോ​ഡി​ലാ​ണ് കെ​ട്ടി​ടം കാ​ല​പ്പ​ഴ​ക്കം കാ​ര​ണം ഇ​ടി​ഞ്ഞു​വീ​ഴു​ന്ന​ത്. ഹി​മാ​യ​ത്തു​ൽ ഇ​സ്‍ലാം സ്കൂ​ളി​ലേ​ക്ക​ട​ക്കം നൂ​റു​ക​ണ​ക്കി​ന് വി​ദ്യാ​ർ​ഥി​ക​ൾ യാ​ത്ര​ചെ​യ്യു​ന്ന തെ​രു​വാ​ണി​ത്. തൊ​ട്ട​ടു​ത്ത് സൗ​ത്ത് ബീ​ച്ചി​ൽ തു​റ​മു​ഖ വ​കു​പ്പി​ന്റെ പ​ഴ​യ കെ​ട്ടി​ട​ത്തി​ന്റെ ഭാ​ഗം റോ​ഡി​ലേ​ക്ക് തൂ​ങ്ങി ഏ​ത് നി​മി​ഷ​വും വീ​ഴു​മെ​ന്ന സ്ഥി​തി​യി​ലാ​ണ്.

അ​ധി​കാ​രി​ക​ളു​ടെ ശ്ര​ദ്ധ​യി​ൽ പ​ല​ത​വ​ണ കൊ​ണ്ടു​​വ​ന്നി​ട്ടും ന​ട​പ​ടി​യി​ല്ലെ​ന്നാ​ണ് പ​രാ​തി. കെ​ട്ടി​ട​ങ്ങ​ൾ അ​പ​ക​ടാ​വ​സ്ഥ​യി​ലാ​യാ​ൽ പൊ​ളി​ച്ചു​നീ​ക്കാ​ൻ കോ​ർ​പ​റേ​ഷ​ന് നി​ർ​ദേ​ശം ന​ൽ​കാ​നാ​വും. പ​ല കെ​ട്ടി​ട​ങ്ങ​ളും അ​വ​കാ​ശ​ത​ർ​ക്ക​ങ്ങ​ളും മ​റ്റും കാ​ര​ണം ന​ന്നാ​ക്കാ​നോ ബാ​ധ്യ​ത ഏ​റ്റെ​ടു​ക്കാ​നോ ആ​ളി​ല്ലാ​ത്ത സ്ഥി​തി​യാ​ണ്. പ​ല കെ​ട്ടി​ട​ങ്ങ​ളും ഇ​പ്പോ​ൾ ന​ട​ത്തു​ന്ന​ത്​ യ​ഥാ​ർ​ഥ ഉ​ട​മ​ക​ള​ല്ലെ​ന്ന പ്ര​ശ്ന​വു​മു​ണ്ട്. ന​ഗ​ര​ത്തി​ൽ വ​ലി​യ​ങ്ങാ​ടി, കോ​ർ​ട്ട്​ റോ​ഡ്, ചെ​റൂ​ട്ടി​റോ​ഡ്​ മേ​ഖ​ല​യി​ൽ പ​ല കെ​ട്ടി​ട​ങ്ങ​ളും ജീ​ർ​ണാ​വ​സ്​​ഥ​യി​ലാ​ണ്​. ഇ​വ​യി​ൽ പ​ല​തും വ​ഖ​ഫ്​ സ്വ​ത്തു​ക്ക​ളാ​യ​തി​നാ​ലും മ​റ്റും ത​ർ​ക്ക​ത്തി​ലാ​യ​തി​നാ​ൽ ന​ന്നാ​ക്കാ​തെ കി​ട​ക്കു​ക​യാ​ണ്.