വേണ്ടെങ്കിലും കൊല്ലല്ലേ... ബീച്ച് ആശുപത്രിയിൽ അമ്മത്തൊട്ടിൽ ഉടൻ

കോ​ഴി​ക്കോ​ട്: ഉ​പേ​ക്ഷി​ക്ക​പ്പെ​ടു​ന്ന കു​ഞ്ഞു​ങ്ങ​ളെ ജീ​വി​ത​ത്തി​ലേ​ക്ക് കൈ​പി​ടി​ക്കാ​ൻ കോ​ഴി​ക്കോ​ട് ബീ​ച്ച് ആ​ശു​പ​ത്രി​യി​ൽ അ​മ്മ​ത്തൊ​ട്ടി​ൽ ഉ​ട​ൻ തു​റ​ക്കും. ആ​ശു​പ​ത്രി കോം​പൗ​ണ്ടി​ൽ തു​ട​ങ്ങു​ന്ന ഇ​ല​ക്ട്രോ​ണി​ക് അ​മ്മ​ത്തൊ​ട്ടി​ലി​ന്‍റെ കെ​ട്ടി​ട നി​ർ​മാ​ണം പൂ​ർ​ത്തി​യാ​യി​ക്ക​ഴി​ഞ്ഞു. അ​മ്മ​ത്തൊ​ട്ടി​ൽ സ്ഥാ​പി​ക്കു​ന്ന പ്ര​വൃ​ത്തി‍യാ​ണ് ഇ​നി പൂ​ർ​ത്തീ​ക​രി​ക്കാ​നു​ള്ള​ത്. ഇ​തി​നാ​യി എ​ഫ്.​ഐ.​ടി എ​സ്റ്റി​മേ​റ്റ് ത​യാ​റാ​ക്കി വ​നി​താ ശി​ശു​ക്ഷേ​മ വ​കു​പ്പി​ന് കൈ​മാ​റി​യി​ട്ടു​ണ്ട്. ഭ​ര​ണാ​നു​മ​തി ല​ഭി​ച്ചാ​ലു​ട​ൻ പ്ര​വൃ​ത്തി ആ​രം​ഭി​ക്കും. പൊ​തു​തെ​ര​ഞ്ഞെ​ടു​പ്പ് വി​ജ്ഞാ​പ​ന​ത്തി​ന് മു​മ്പ് അ​മ്മ​ത്തൊ​ട്ടി​ൽ ഉ​ദ്ഘാ​ട​നം ചെ​യ്യാ​നു​ള്ള ശ്ര​മ​ങ്ങ​ളാ​ണ് ന​ട​ക്കു​ന്ന​തെ​ന്ന് വ​നി​താ ശി​ശു​ക്ഷേ​മ വ​കു​പ്പ് അ​ധി​കൃ​ത​ർ അ​റി​യി​ച്ചു.

പൊ​തു​മ​രാ​മ​ത്ത് വ​കു​പ്പാ​ണ് കെ​ട്ടി​ട​ത്തി​ന്റെ നി​ർ​മാ​ണം പൂ​ർ​ത്തീ​ക​രി​ച്ച​ത്. കെട്ടിടത്തിന്റെ പ്ര​വേ​ശ​ന ക​വാ​ട​ത്തി​ന​ടു​ത്ത് പൂ​ന്തോ​ട്ട​വും സ​ജ്ജ​മാ​ക്കി​യി​ട്ടു​ണ്ട്. കെ​ട്ടി​ട​വും തൊ​ട്ടി​ൽ നി​ർ​മാ​ണ​വും അ​ട​ക്കം 33 ല​ക്ഷം രൂ​പ ചെ​ല​വി​ലാ​ണ് പ​ദ്ധ​തി പൂ​ർ​ത്തീ​ക​രി​ക്കു​ന്ന​ത്. തൊ​ട്ടി​ലി​ന് മാ​ത്രം എ​ട്ട് ല​ക്ഷം രൂ​പ ചെ​ല​വ് വ​രും. മു​ൻ എം.​എ​ൽ.​എ​യാ​യി​രു​ന്ന എ. ​പ്ര​ദീ​പ് കു​മാ​റി​ന്‍റെ​യും നി​ല​വി​ലെ ജ​ന​പ്ര​തി​നി​ധി തോ​ട്ട​ത്തി​ൽ ര​വീ​ന്ദ്ര​ന്‍റെ​യും പ്രാ​ദേ​ശി​ക വി​ക​സ​ന ഫ​ണ്ടി​ൽ​നി​ന്നാ​ണ് പ​ദ്ധ​തി​ക്ക് പ​ണം വ​ക​യി​രു​ത്തി​യ​ത്. അ​മ്മ​ത്തൊ​ട്ടി​ലി​ൽ ഉ​പേ​ക്ഷി​ക്ക​പ്പെ​ടു​ന്ന കു​ഞ്ഞു​ങ്ങ​ൾ​ക്ക് നാ​യ​്ക്ക​ളു​ടെ ക​ടി​യേ​ൽ​ക്കു​ന്ന​തു​ൾ​പ്പെ​ടെ ജീ​വ​ൻ അ​പ​ക​ട​ത്തി​ലാ​വു​ന്ന സാ​ഹ​ച​ര്യ​ങ്ങ​ളു​ണ്ടാ​യ​തി​ന്റെ അ​ടി​സ്ഥാ​ന​ത്തി​ലാ​ണ് ഓ​ട്ടോ​മാ​റ്റി​ക് വാ​തി​ലു​ക​ളു​ള്ള ഇ​ല​ക്ട്രോ​ണി​ക് അ​മ്മ​ത്തൊ​ട്ടി​ൽ പ​ദ്ധ​തി വി​ഭാ​വ​നം ചെ​യ്ത​ത്. ബീ​ച്ച് ആ​ശു​പ​ത്രി​യു​ടെ തെ​ക്ക് ഭാ​ഗ​ത്തെ റോ​ഡി​ൽ​നി​ന്ന് പ്ര​വേ​ശി​ക്കാ​വു​ന്ന വി​ധ​ത്തി​ലാ​ണ് അ​മ്മ​ത്തൊ​ട്ടി​ൽ നി​ർ​മി​ച്ച​ത്. ഇ​വി​ടെ കു​ഞ്ഞു​ങ്ങ​ളെ എ​ത്തി​ച്ചാ​ലു​ട​ൻ​ത​ന്നെ ആ ​വി​വ​രം ഫോ​ട്ടോ സ​ഹി​തം അ​ധി​കൃ​ത​രി​ലേ​ക്കെ​ത്തും. പ​ക്ഷേ, കു​ഞ്ഞി​നെ എ​ത്തി​ച്ച​യാ​ളു​ടെ ഫോ​ട്ടോ എ​വി​ടെ​യും പ​തി​യി​ല്ല. അ​വ​ർ​ക്ക് സു​ര​ക്ഷി​ത​രാ​യി മ​ട​ങ്ങാം. ര​ണ്ടു മി​നി​റ്റി​നു​ള്ളി​ൽ അ​ധി​കൃ​ത​രെ​ത്തി കു​ഞ്ഞി​നെ ഏ​റ്റു​വാ​ങ്ങും. ആ​ശു​പ​ത്രി മാ​സ്റ്റ​ർ പ്ലാ​നി​ൽ അ​മ്മ​ത്തൊ​ട്ടി​ലും ഉ​ൾ​പ്പെ​ട്ടി​രു​ന്നു. വ​ർ​ഷ​ങ്ങ​ൾ​ക്ക് മു​മ്പ് പ്ര​ഖ്യാ​പി​ച്ച പ​ദ്ധ​തി​യാ​ണ് യാ​ഥാ​ർ​ഥ്യ​മാ​വാ​ൻ പോ​കു​ന്ന​ത്.