Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightകാലതാമസം ഒഴിഞ്ഞു; ഇനി...

കാലതാമസം ഒഴിഞ്ഞു; ഇനി പൊലീസുകാരുടെ താമസം

text_fields
bookmark_border
കാലതാമസം ഒഴിഞ്ഞു; ഇനി പൊലീസുകാരുടെ താമസം
cancel

കോഴിക്കോട്​: വർഷങ്ങൾ നീണ്ട കാത്തിരിപ്പിനൊടുവിൽ റാം മോഹൻ റോഡിലെ പൊലീസ്​ ക്വ​ാർ​േട്ടഴ്​സ്​ കെട്ടിടം തുറക്കാൻ നടപടി. 48 ഫ്ലാറ്റുക​േളാടെ നാലുനിലയിൽ വൃത്താകൃതിയിൽ പണിത കെട്ടിടത്തി​െൻറ ഉദ്​ഘാടനം ഇൗ മാസം മുഖ്യമന്ത്രി പിണറായി വിജയൻ വിഡിയോ കോൺഫറൻസിലൂടെ നിർവഹിക്കും.

അടുത്ത ആഴ്​ചയോടെ ഉദ്​​ഘാടന തീയതി തീരുമാനിക്കും. മൂന്നരക്കോടി രൂപ ചെലവിൽ 2006ലാണ്​ ക്രൈം​​ബ്രാഞ്ച്​ ഒാഫിസിന്​ സമീപം കെട്ടിട നിർമാണത്തിന്​ തുടക്കമിട്ടത്​. മൂന്നുതവണ കരാറുകാർ പിൻവാങ്ങിയതിനാൽ 2010ലാണ്​ പ്രവൃത്തി ആരംഭിച്ചത്​. തുടർന്നും​ സാ​േങ്കതിക തടസങ്ങളുണ്ടായത്​ ​പ്രവൃത്തി പൂർത്തിയാവുന്നതിന്​ കാലതാമസമുണ്ടാക്കി​.

നിർമാണം പൂർത്തിയായ​പ്പോൾ അഗ്​നിരക്ഷാ സേനയുടെ എൻ.ഒ.സി ലഭിക്കാത്തത്​ പ്രതിസന്ധിയായി. മാനദണ്ഡങ്ങൾ പാലിച്ചല്ല നിർമാണമെ​ന്നായിരുന്നു ആക്ഷേപം. പിന്നീട്​ ആവശ്യമായ തരത്തിൽ അഗ്​നി രക്ഷാസംവിധാനമൊരുക്കാർ 21 ലക്ഷം രൂപ പ്രത്യേകം അനുവദിച്ചു.

എന്നാൽ, ഇൗ പ്രവൃത്തി പൂർത്തിയാവാനും മാസങ്ങളെടുത്തു. ഇതിനിടെ കാടുമൂടിയ കെട്ടിടത്തിൽനിന്ന്​ വയറിങ്​ സാധന സാമഗ്രികൾ ഉൾപ്പെടെ മോഷ്​ടിക്കപ്പെട്ടു. സാ​േങ്കതിക തടസ്സങ്ങളെല്ലാം നീങ്ങി അവസാനമിപ്പോൾ ഫയർ എൻ.ഒ.സി, ​ൈവദ്യുതി, കുടിവെള്ള കണക്ഷനുകളടക്കം ലഭിച്ചു. അതേസമയം, പെയിൻറിങ്​ അടക്കം പൂർത്തിയായ കെട്ടിടം മാസങ്ങളായി ​ഉപയോഗിക്കാതെ കിടന്നതോ​െട പലഭാഗത്തും മഴയത്ത്​ വെള്ളം ഒലിച്ചിറങ്ങി ചുമരുകളിൽ പൂപ്പൽ പിടിച്ചിട്ടുണ്ട്​. മാത്രമല്ല ഫ്ലാറ്റുകളുടെ ഉൾവശമടക്കം പൊടിയും മാറാലയും പിടിച്ച നിലയിലുമാണ്​. ചില ഫ്ലാറ്റി​െൻറ ജനൽ ചില്ലുകൾ പൊട്ടുകയും ചെയ്​തു. കെട്ടിടഭൂമിയാകെ പുല്ല്​ വളർന്ന അവസ്​ഥയാണ്​​.

ഇവ വെട്ടിയൊതുക്കി മുറ്റമൊരുക്കുന്നതി​െൻറയും ചുറ്റുമതിൽ നിർമാണത്തി​െൻറയും പണിയാണ്​ ഇനി അവശേഷിക്കുന്നത്​​. കെട്ടിടം തുറന്നു​െകാടുത്തശേഷമായിരിക്കും ഇവ പൂർത്തിയാക്കുക എന്നാണ്​ വിവരം. അതിനിടെ ​ഫ്ലാറ്റിന്​ അപേക്ഷ ക്ഷണിച്ചപ്പോൾ താമസ സൗകര്യം ആവശ്യമുള്ളവരും അല്ലാത്തവരും അപേക്ഷിച്ചതായി സേനയിൽ ആക്ഷേപമുണ്ട്​. അതിനാൽ തന്നെ ഫ്ലാറ്റുകൾ അനുവദിച്ചുത്തരവായിട്ടില്ല. അടിയന്തിരമായി വീട്​ ആവശ്യമുള്ളവരെ​ പരിഗണിക്കണ​െമന്നും ടൗൺ സ്​റ്റേഷനോട്​ ചേർന്ന്​ ശോച്യവസ്​ഥയിലുള്ള ക്വർ​േട്ടഴ്​സിൽ താമസിക്കുന്നവർക്ക്​ ഫ്ലാറ്റ്​ അനുവദിക്കണമെന്നും​ ആവശ്യമുയർന്നിട്ടുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:police quarters
Next Story