സ്വകാര്യ ബസും പിക്അപ് വാനും ഇടിച്ചു; ബാലുശ്ശേരി റൂട്ടിൽ അപകടം തുടർക്കഥയാകുന്നു

നന്മണ്ട: ബാലുശ്ശേരി റൂട്ടിൽ സ്വകാര്യ ബസുകളുടെ മത്സരയോട്ടത്തിന് കുറവില്ല. തിങ്കളാഴ്ച രാവിലെ 8.20ഓടെ ഹൈസ്കൂളിനടുത്തെ റേഷൻകടക്ക് സമീപം ബാലുശ്ശേരിയിൽനിന്ന് കോഴിക്കോട്ടേക്ക് വരുകയായിരുന്ന സ്വകാര്യ ബസും വൈദ്യുതി വകുപ്പിലെ കരാർ തൊഴിലാളികളെ കോഴിക്കോട് ഭാഗത്തേക്ക് കൊണ്ടുപോവുകയായിരുന്ന പിക്അപ് വാനും തമ്മിൽ ഇടിച്ചു.

ഇടിയുടെ ആഘാതത്തിൽ പിക്അപ് വാൻ മറിഞ്ഞു. ബസ് യാത്രക്കാരിയായ പെൺകുട്ടി തൊട്ടടുത്ത സ്വകാര്യ ആശുപത്രിയിൽനിന്ന് ചികിത്സ തേടി. പിക്അപ്പ് യാത്രക്കാരായ രണ്ടുപേർക്ക് പരിക്കേറ്റു. അവരെ കോഴിക്കോട്ടെ സ്വകാര്യ ആശുപത്രിയിലേക്ക് കൊണ്ടുപോയി.

ബസുകളുടെ മത്സരയോട്ടത്തിൽ കഴിഞ്ഞ ഒരാഴ്ചക്കിടെ ചെറിയ അപകടങ്ങൾ നന്മണ്ട 13നും പതിനൊന്നെ നാലിനും ഇടയിലുണ്ടായിട്ടും ബസുകളുടെ മത്സരയോട്ടത്തിന് ഒട്ടും കുറവില്ല എന്ന് നാട്ടുകാർ പറയുന്നു.