കരുമല വളവിൽ അപകടം തുടർക്കഥ ജീപ്പ് കലുങ്കിനിടിച്ച് അഞ്ചു പേർക്ക് പരിക്ക്

എ​ക​രൂ​ൽ: കൊ​യി​ലാ​ണ്ടി-​എ​ട​വ​ണ്ണ സം​സ്ഥാ​ന പാ​ത​യി​ൽ ഉ​ണ്ണി​കു​ളം പ​ഞ്ചാ​യ​ത്തി​ലെ ക​രു​മ​ല അ​ങ്ങാ​ടി​ക്ക് സ​മീ​പ​ത്തെ വ​ള​വി​ൽ അ​പ​ക​ടം തു​ട​ർ​ക്ക​ഥ. ഞാ​യ​റാ​ഴ്ച രാ​വി​ലെ​യു​ണ്ടാ​യ അ​പ​ക​ട​ത്തി​ൽ അ​ഞ്ചു​പേ​ർ പ​രി​ക്കേ​റ്റ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. വ​യ​നാ​ട് ഭാ​ഗ​ത്തു​നി​ന്ന് മാ​ഹി​യി​ലേ​ക്ക് പോ​കു​ക​യാ​യി​രു​ന്ന ജീ​പ്പാ​ണ് അ​പ​ക​ട​ത്തി​ൽ​പെ​ട്ട​ത്.

ഇ​ടു​ക്കി മ​റ​യൂ​ർ സ്വ​ദേ​ശി​ക​ളാ​യ കാ​ർ​ത്തി​കേ​യ​ൻ (27), വി​ജ​യ് കു​മാ​ർ (30), ആ​ന​ന്ദ് (20), മു​രു​കേ​ശ​ൻ (45) എ​ന്നി​വ​രെ​യും നി​സ്സാ​ര പ​രി​ക്കേ​റ്റ മ​റ്റൊ​രാ​ളെ​യു​മാ​ണ് മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ച​ത്. സം​സ്ഥാ​ന​പാ​ത ന​വീ​ക​രി​ച്ച​തി​നു​ശേ​ഷം ഇ​വി​ടെ 20ഓ​ളം അ​പ​ക​ട​ങ്ങ​ളാ​ണ് ഉ​ണ്ടാ​യ​ത്. തു​ട​ർ അ​പ​ക​ട​ങ്ങ​ളി​ൽ നാ​ലു​പേ​ർ​ക്ക് ജീ​വ​ൻ ന​ഷ്ട​മാ​യി.

ബൈ​ക്കും ടി​പ്പ​ർ ലോ​റി​യും കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ വേ​ങ്ങേ​രി ക​ലൂ​ട്ടി​ത്താ​ഴം അ​ഭി​ഷേ​ക് (21), കാ​ര​പ്പ​റ​മ്പ് നാ​റോ​ത്ത് ലൈ​ൻ അ​തു​ല്യ (18), മ​റ്റൊ​രു ബൈ​ക്ക​പ​ക​ട​ത്തി​ൽ പൂ​നൂ​ർ കോ​ളി​ക്ക​ൽ ആ​ശാ​രി​ക്ക​ണ്ടി അ​ബ്ദു​ൽ നാ​സ​റി​ന്റെ മ​ക​ൻ അ​നീ​സ് (23), മാ​ഹി സ്വ​ദേ​ശി​യാ​യ യു​വാ​വ് എ​ന്നി​വ​ർ മ​രി​ച്ചു. പ​രി​ക്കേ​റ്റ​വ​ർ ഇ​പ്പോ​ഴും ആ​ശു​പ​ത്രി​ക​ളി​ലും വീ​ടു​ക​ളി​ലു​മാ​യി ക​ഴി​യു​ക​യാ​ണ്. ഈ ​ആ​ഴ്ച മൂ​ന്ന് അ​പ​ക​ട​ങ്ങ​ളാ​ണു​ണ്ടാ​യ​ത്. ക​ഴി​ഞ്ഞ ദി​വ​സം വ​യ​നാ​ട്ടി​ലേ​ക്ക് പോ​കു​ക​യാ​യി​രു​ന്ന മാ​ഹി സ്വ​ദേ​ശി​ക​ളാ​യ ദ​മ്പ​തി​ക​ൾ സ​ഞ്ച​രി​ച്ച ബൈ​ക്ക് അ​പ​ക​ട​ത്തി​ൽ​പെ​ട്ട് ഭ​ർ​ത്താ​വി​ന് ഗു​രു​ത​ര​മാ​യി പ​രി​ക്കേ​റ്റു. മൂ​ന്നു മാ​സം മു​മ്പ് കെ.​എ​സ്.​ആ​ർ.​ടി.​സി വ​നി​ത ക​ണ്ട​ക്‌​ട​ർ​മാ​രാ​യ തേ​നാ​ക്കു​ഴി സ്വ​ദേ​ശി സ്മേ​ര​യും ബാ​ലു​ശ്ശേ​രി സ്വ​ദേ​ശി ബി​ന്ദു​വും സ​ഞ്ച​രി​ച്ച സ്‌​കൂ​ട്ട​റി​ൽ ലോ​റി​യി​ടി​ച്ചു​ണ്ടാ​യ അ​പ​ക​ട​വും ഇ​തേ വ​ള​വി​ലാ​യി​രു​ന്നു.

ഗു​രു​ത​ര പ​രി​ക്കേ​റ്റ ഇ​രു​വ​രും ഇ​പ്പോ​ഴും ചി​കി​ത്സ​യി​ലാ​ണ്. വി​ഷു​ദി​ന​ത്തി​​ലെ കാ​റ​പ​ക​ട​ത്തി​ൽ പ​രി​ക്കേ​റ്റ​വ​രും മ​റ്റൊ​ര​പ​ക​ട​ത്തി​ൽ കാ​ലി​ന് ഗു​രു​ത​ര പ​രി​ക്കേ​റ്റ ന​ന്മ​ണ്ട 14ലെ ​യു​വാ​വും ചി​കി​ത്സ തു​ട​രു​ന്നു. പാ​ത ന​വീ​ക​ര​ണ​ത്തി​ന്റെ ഭാ​ഗ​മാ​യി ടാ​ർ ചെ​യ്ത​ത​ല്ലാ​തെ വാ​ഹ​ന​ങ്ങ​ൾ​ക്ക് ആ​വ​ശ്യ​മാ​യ സി​ഗ്ന​ൽ സം​വി​ധാ​ന​മ​ട​ക്കം സ്ഥാ​പി​ച്ചി​ട്ടി​ല്ല. തു​ട​ർ​ച്ച​യാ​യി അ​പ​ക​ട​ങ്ങ​ളു​ണ്ടാ​യി​ട്ടും അ​പാ​യ സൂ​ച​ന ബോ​ർ​ഡു​ക​ളോ മു​ന്ന​റി​യി​പ്പു​ക​ളോ സ്ഥാ​പി​ച്ചി​ട്ടി​ല്ല. അ​പ​ക​ടം പ​തി​വാ​യ​പ്പോ​ൾ റോ​ഡി​ല്‍ ഹ​മ്പ് സ്ഥാ​പി​ക്ക​ണ​മെ​ന്ന് ആ​വ​ശ്യ​പ്പെ​ട്ടി​രു​ന്നെ​ങ്കി​ലും ഇ​തു​വ​രെ അ​ധി​കൃ​ത​ർ ത​യാ​റാ​യി​ട്ടി​ല്ലെ​ന്ന് നാ​ട്ടു​കാ​ർ പ​റ​ഞ്ഞു.