ദേശീയപാതയിൽ നിർമാണം പൂർത്തിയായ ഓവുചാൽ സ്ലാബ് തകർന്ന് ടിപ്പർ ലോറി മറിഞ്ഞു

പ​യ്യോ​ളി: ദേ​ശീ​യ​പാ​ത വി​ക​സ​ന​ത്തി​ന്റെ ഭാ​ഗ​മാ​യി സ​ർ​വി​സ് റോ​ഡി​ന് സ​മീ​പം നി​ർ​മാ​ണം പൂ​ർ​ത്തി​യാ​ക്കി​യ ഓ​വു​ചാ​ലി​ന്റെ കോ​ൺ​ക്രീ​റ്റ് സ്ലാ​ബ് ത​ക​ർ​ന്ന് മ​ണ​ൽ ക​യ​റ്റി​യ ടി​പ്പ​ർ ലോ​റി മ​റി​ഞ്ഞു. അ​യ​നി​ക്കാ​ട് പോ​സ്റ്റ് ഓ​ഫി​സി​ന് സ​മീ​പം വെ​ള്ളി​യാ​ഴ്ച ഉ​ച്ച​ക്ക് ഒ​ന്നോ​ടെ​യാ​ണ് സം​ഭ​വം.

വ​ട​ക​ര ഭാ​ഗ​ത്തേ​ക്ക് പോ​വു​ക​യാ​യി​രു​ന്ന ടി​പ്പ​ർ ലോ​റി പി​റ​കി​ൽ വ​ന്ന സ്വ​കാ​ര്യ ബ​സി​ന് സൈ​ഡ് കൊ​ടു​ക്ക​വേ ഓ​വു​ചാ​ൽ സ്ലാ​ബി​ന് മു​ക​ളി​ലേ​ക്ക് ക​യ​റു​ക​യാ​യി​രു​ന്നു. ഉ​ട​ൻ സ്ലാ​ബ് ത​ക​ർ​ന്ന് ട​യ​റു​ക​ൾ ഉ​യ​ർ​ന്ന് പാ​തി ച​രി​ഞ്ഞ​നി​ല​യി​ൽ മ​റി​യു​ക​യാ​യി​രു​ന്നു. ലോ​റി​ക്ക​ക​ത്തു​ണ്ടാ​യി​രു​ന്ന ഡ്രൈ​വ​റ​ട​ക്കം മൂ​ന്നു​പേ​രും പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. സ​മീ​പ​ത്തെ സി​മ​ന്റ് ക​ട​യി​ലു​ണ്ടാ​യി​രു​ന്ന​വ​ർ ഭാ​ഗ്യം​കൊ​ണ്ടാ​ണ് ര​ക്ഷ​പ്പെ​ട്ട​ത്. നി​ർ​മാ​ണ ക​രാ​റു​കാ​രാ​യ വാ​ഗ​ഡ് ക​മ്പ​നി​യു​ടെ ര​ണ്ടു ക്രെ​യി​നു​ക​ൾ ഉ​പ​യോ​ഗി​ച്ചാ​ണ് ലോ​റി​യെ നി​വ​ർ​ത്തി​യ​ത്.

നി​ല​വി​ലെ ദേ​ശീ​യ​പാ​ത​യി​ൽ വി​ക​സ​ന പ്ര​വൃ​ത്തി​ക​ൾ ന​ട​ക്കു​ന്ന​തി​നാ​ൽ ഇ​രു​ഭാ​ഗ​ത്തേ​ക്കും സ​ർ​വി​സ് റോ​ഡു​ക​ൾ വ​ഴി​യാ​ണ് വാ​ഹ​ന​ങ്ങ​ൾ സ​ഞ്ച​രി​ക്കു​ന്ന​ത്. സ​ർ​വി​സ് റോ​ഡും കോ​ൺ​ക്രീ​റ്റ് സ്ലാ​ബും സ​മ​നി​ര​പ്പി​ലാ​യ​തി​നാ​ൽ വാ​ഹ​ന​ങ്ങ​ൾ ക​യ​റു​മ്പോ​ൾ സ്ലാ​ബ് ത​ക​രു​ക​യാ​ണ്. പൊ​തു​വെ വീ​തി കു​റ​വാ​യ സ​ർ​വി​സ് റോ​ഡി​ൽ വാ​ഹ​ന​ങ്ങ​ൾ അ​തി​വേ​ഗ​ത്തി​ലാ​ണ് സ​ഞ്ച​രി​ക്കു​ന്ന​ത്.

അ​തോ​ടൊ​പ്പം സ്ലാ​ബ് ത​ക​ർ​ന്ന് വാ​ഹ​ന​ങ്ങ​ൾ മ​റി​യു​ന്ന​തും പ​തി​വാ​യി​രി​ക്കു​ക​യാ​ണ്. ക​ഴി​ഞ്ഞ ദി​വ​സം ന​ന്തി 20ാം മൈ​ലി​ൽ സ​മാ​ന​രീ​തി​യി​ൽ സ്ലാ​ബ് ത​ക​ർ​ന്ന് ടി​പ്പ​ർ ലോ​റി മ​റി​ഞ്ഞി​രു​ന്നു. അ​യ​നി​ക്കാ​ട് കു​റ്റി​യി​ൽ പീ​ടി​ക​ക്ക് സ​മീ​പ​വും വാ​ഹ​നം മ​റി​യു​ക​യു​ണ്ടാ​യി. നി​ർ​മാ​ണ​ത്തി​ലെ അ​പാ​ക​ത​യാ​ണ് തു​ട​ർ​ച്ച​യാ​യു​ള്ള ത​ക​ർ​ച്ച​ക്ക് കാ​ര​ണ​മെ​ന്ന് നാ​ട്ടു​കാ​ർ ആ​രോ​പി​ച്ചു.