കൊടിയത്തൂരിൽ അധ്യാപകൻ വിദ്യാർഥിയുടെ കൈ ഒടിച്ചു

മുക്കം: കൊടിയത്തൂരിൽ അധ്യാപകന്റെ മർദ്ദനമേറ്റ് വിദ്യാർഥിക്ക് പരിക്ക്. കൊടിയത്തൂർ പി.ടി.എം.എച്ച് സ്കൂളി​ലെ വിദ്യാർഥിക്കാണ് അധ്യാപകന്റെ മർദനമേറ്റത്. ഒമ്പതാം ക്ലാസ് വിദ്യാർഥി മാഹിനാണ് അധ്യാപകൻ ഖമറുദ്ദീന്റെ മർദ്ദനമേറ്റത്. രണ്ട് കൈക്കും പരിക്കേറ്റ മാഹിനെ ആശുപത്രിയിൽ പ്രവേശിപ്പിച്ചിരുന്നു. വിദ്യാർഥിയുടെ രക്ഷിതാക്കളുടെ പരാതിയിൽ മുക്കം പൊലീസ് കേസെടുത്തു.

കുട്ടിയെ നാലു തവണ അടിച്ചതായാണ് പിതാവ് അമീൻ പറയുന്നത്. ക്ലാസിൽ എഴുന്നേറ്റ് നിന്നതിനാണ് അടി എന്നാണ് പരാതിയിലുള്ളത്.

കുട്ടിക്ക് മർദ്ദനമേറ്റതുമായി ബന്ധപ്പെട്ട് അധ്യാപകൻ വിശദീകരണം നൽകിയിട്ടില്ലെന്ന് വീട്ടുകാർ പറയുന്നു. സ്കൂൾ അധികൃതരുമായി ബന്ധപ്പെട്ടിട്ടും വ്യക്തമായ മറുപടി ലഭിച്ചിട്ടില്ല.