ന​ഗ​ര​ത്തി​ൽ കി​ട​പ്പു​രോ​ഗി​ക​ളി​ൽ 60 ശ​ത​മാ​ന​വും സ്ത്രീ​ക​ൾ

കോ​ഴി​ക്കോ​ട്: വ​യോ​ജ​ന-​ഭി​ന്ന​ശേ​ഷി സൗ​ഹൃ​ദ​ന​ഗ​ര​ത്തി​നാ​യി കോ​ഴി​ക്കോ​ട് ന​ഗ​ര​സ​ഭ ന​ട​പ്പാ​ക്കു​ന്ന ‘സ​മ​ന്വ​യ’ പ​ദ്ധ​തി ആ​ദ്യ​ഘ​ട്ട സ​ർ​വേ റി​പ്പോ​ർ​ട്ടി​ന് ന​ഗ​ര​സ​ഭ കൗ​ൺ​സി​ലി​ന്റെ അം​ഗീ​കാ​രം. മേ​യ​ർ ബീ​ന ഫി​ലി​പ്പി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന പ്ര​ത്യേ​ക കൗ​ൺ​സി​ൽ യോ​ഗം സ​മ​ന്വ​യ പ​ദ്ധ​തി സ​ർ​വേ ക​ര​ട് റി​പ്പോ​ർ​ട്ട് പാ​സാ​ക്കി. സ​ർ​വേ​യി​ൽ ഉ​ൾ​പ്പെ​ട്ട​ത് 56,878 പേ​രാ​ണ്. പൂ​ർ​ണ​മാ​യി കി​ട​പ്പു​രോ​ഗി​ക​ളാ​യ 1388 പേ​രും ഗു​രു​ത​ര രോ​ഗ​ബാ​ധി​ത​രാ​യി വീ​ടു​ക​ളി​ൽ ക​ഴി​യു​ന്ന 1150 പേ​രും 60 വ​യ​സ്സി​ന് മു​ക​ളി​ലു​ള്ള 50,180 പേ​രും ഭി​ന്ന​ശേ​ഷി​ക്കാ​രാ​യി 4160 പേ​രു​മാ​ണു​ള്ള​ത്.

കി​ട​പ്പു​രോ​ഗി​ക​ളി​ലും, ഗു​രു​ത​ര രോ​ഗ​ങ്ങ​ളാ​ൽ വീ​ടു​ക​ളി​ൽ​ത​ന്നെ താ​മ​സി​ക്കു​ന്ന​വ​രി​ലും 60ന് ​മു​ക​ളി​ലു​ള്ള​വ​രി​ലും കൂ​ടു​ത​ൽ സ്ത്രീ​ക​ൾ​ത​ന്നെ​യാ​ണ്. കി​ട​പ്പു​രോ​ഗി​ക​ളി​ൽ 60 ശ​ത​മാ​നം സ്ത്രീ​ക​ളാ​ണ്. 18ന് ​താ​ഴെ 29 പേ​രു​ണ്ട്. പ​ര​സ​ഹാ​യ​മി​ല്ലാ​തെ157 പേ​ർ പ്ര​യാ​സം അ​നു​ഭ​വി​ക്കു​ന്നു. കു​ടും​ബ​ങ്ങ​ളൊ​ന്നി​ച്ച് പു​റ​ത്തു​പോ​കാ​ൻ 77 ശ​ത​മാ​നം ആ​ഗ്ര​ഹി​ക്കു​ന്നു​ണ്ടെ​ങ്കി​ലും 27.7 ശ​ത​മാ​ന​ത്തി​നേ സാ​ധി​ക്കു​ന്നു​ള്ളൂ. യാ​ത്രാ​സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യാ​ണ് ത​ട​സ്സം.

കി​ട​പ്പു​രോ​ഗി​ക​ളി​ൽ 916 പേ​ർ​ക്കും ഗു​രു​ത​ര രോ​ഗം​മൂ​ലം പ്ര​യാ​സ​പ്പെ​ടു​ന്ന 663 പേ​ർ​ക്കും പാ​ലി​യേ​റ്റി​വ് പ​രി​ച​ര​ണം ല​ഭി​ക്കു​ന്നി​ല്ല. 60ന് ​മു​ക​ളി​ൽ പ​ങ്കാ​ളി​ക​ളി​ല്ലാ​തെ ഒ​റ്റ​പ്പെ​ട്ട് ക​ഴി​യു​ന്ന​വ​ർ 13,250 പേ​രു​ണ്ട്. ഇ​തി​ൽ കൂ​ടു​ത​ലും സ്ത്രീ​ക​ളാ​ണ്. ഒ​റ്റ​പ്പെ​ട്ട് ക​ഴി​യു​ന്ന​ത് നി​ര​വ​ധി പ്ര​ശ്ന​ങ്ങ​ൾ​ക്ക് വ​ഴി​യൊ​രു​ക്കു​ന്നു​ണ്ടെ​ന്ന് സ​ർ​വേ അ​ഭി​പ്രാ​യ​പ്പെ​ടു​ന്നു. 18,144 പേ​ർ മ​രു​ന്ന് വാ​ങ്ങാ​നും ചി​കി​ത്സ​ക്കും പ​ണ​മി​ല്ലാ​തെ​യും വ​ല​യു​ന്നു. ഭി​ന്ന​ശേ​ഷി​ക്കാ​രി​ൽ കൂ​ടു​ത​ലും പു​രു​ഷ​ന്മാ​രാ​ണ്, 57.2 ശ​ത​മാ​നം. ഇ​തി​ൽ 54 ശ​ത​മാ​ന​ത്തി​ല​ധി​കം പേ​ർ​ക്കും കു​ടും​ബ​ത്തി​ന്റേ​യോ മ​റ്റു​ള്ള ബ​ന്ധു​ക്ക​ളു​ടേ​യോ സാ​മ്പ​ത്തി​ക പി​ന്തു​ണ​യോ സ​ഹാ​യ​മോ ല​ഭി​ക്കു​ന്നി​ല്ല.

സ​മ​ന്വ​യ പ​ദ്ധ​തി​യു​ടെ ക​ര​ട് സ​ർ​വേ​ക്ക് ഭ​ര​ണ-​പ്ര​തി​പ​ക്ഷ കൗ​ൺ​സി​ല​ർ​മാ​ർ ഒ​രു​പോ​ലെ കൈ​യ​ടി ന​ൽ​കി. ഹെ​ൽ​ത്ത് ആ​ൻ​ഡ് വെ​ൽ​ന​സ് സെ​ന്റ​റു​ക​ളി​ൽ ആ​വ​ശ്യ​ങ്ങ​ള​റി​യി​ക്കാ​നാ​യി സം​വി​ധാ​നം ഒ​രു​ക്ക​ണ​മെ​ന്നും കോ​ർ​പ​റേ​ഷ​ൻ ന​ൽ​കി​യ ഉ​പ​ക​ര​ണ​ങ്ങ​ൾ കേ​ടാ​യാ​ൽ ന​ന്നാ​ക്കാ​ൻ ക്യാ​മ്പു​ക​ൾ ന​ട​ത്ത​ണ​മെ​ന്നും യു.​ഡി.​എ​ഫ് കൗ​ൺ​സി​ൽ പാ​ർ​ട്ടി ലീ​ഡ​ർ കെ.​സി. ശോ​ഭി​ത ആ​വ​ശ്യ​പ്പെ​ട്ടു. ഫി​സി​യോ​തെ​റ​പ്പി ചെ​യ്യു​ന്ന സ​ർ​ക്കാ​ർ സ്ഥാ​പ​ന​ങ്ങ​ളി​ൽ അ​വ​ശ്യ​സേ​വ​ന​ങ്ങ​ൾ ന​ൽ​ക​ണ​മെ​ന്ന് ആ​രോ​ഗ്യ സ്ഥി​രം സ​മി​തി ചെ​യ​ർ​പേ​ഴ്സ​ൻ ഡോ. ​ജ​യ​ശ്രി പ​റ​ഞ്ഞു. ച​ർ​ച്ച​യി​ൽ ന​വ്യ ഹ​രി​ദാ​സ്, എ​സ്.​കെ അ​ബൂ​ബ​ക്ക​ർ, കെ. ​മൊ​യ്തീ​ൻ കോ​യ തു​ട​ങ്ങി​യ​വ​ർ പ​ങ്കെ​ടു​ത്തു.

വ​യോ​ജ​ന​ങ്ങ​ൾ​ക്ക് ന​ഗ​രം ചു​റ്റാ​ൻ കെ.​എ​സ്.​ആ​ർ.​ടി.​സി ലോ​ഫ്ലോ​ർ

വ​യോ​ജ​ന-​ഭി​ന്ന​ശേ​ഷി സൗ​ഹൃ​ദ​ന​ഗ​ര​ത്തി​നാ​യി മ​രു​ന്ന്, ഭ​ക്ഷ​ണം, ഉ​പ​ക​ര​ണ​വി​ത​ര​ണം, വി​നോ​ദം എ​ന്നി​വ ഊ​ർ​ജി​ത​പ്പെ​ടു​ത്തും. ഭൂ​രി​ഭാ​ഗം വ​യോ​ജ​ന​ങ്ങ​ളും താ​ൽ​പ​ര്യ​മു​ണ്ടെ​ങ്കി​ലും പ​ല കാ​ര​ണ​ങ്ങ​ളാ​ൽ വി​നോ​ദ​ത്തി​നാ​യി സ​മ​യം ചെ​ല​വ​ഴി​ക്കു​ന്ന​ത് കു​റ​വാ​ണ്. ഇ​ത് പ​രി​ഹ​രി​ക്കാ​ൻ കെ.​എ​സ്.​ആ​ർ.​ടി.​സി​യി​ൽ ന​ഗ​ര​കാ​ഴ്ച​ക​ൾ കാ​ണാ​ൻ സൗ​ക​ര്യ​മൊ​രു​ക്കു​മെ​ന്ന് ക്ഷേ​മ​കാ​ര്യ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ പി. ​ദി​വാ​ക​ര​ൻ പ​റ​ഞ്ഞു. ഇ​തി​നാ​യി ഒ​രു കെ.​എ​സ്.​ആ​ർ.​ടി.​സി ബ​സ് അ​നു​വ​ദി​ച്ചി​ട്ടു​ണ്ട്.

ഒ​രു ദി​വ​സം ഒ​രു വാ​ർ​ഡി​ലെ 40 പേ​രെ​യെ​ങ്കി​ലും ന​ഗ​ര​കാ​ഴ്ച​ക​ൾ കാ​ണി​ക്കാ​നാ​ണ് തീ​രു​മാ​നം. പാ​ലി​യേ​റ്റി​വ് കെ​യ​ർ സം​വി​ധാ​നം മെ​ച്ച​പ്പെ​ടു​ത്താ​ൻ സ​ർ​ക്കാ​റി​നോ​ട് ര​ണ്ട് യൂ​നി​റ്റ് അ​ധി​കം ന​ൽ​കാ​ൻ ആ​വ​ശ്യ​പ്പെ​ടു​മെ​ന്ന് മേ​യ​ർ ബീ​ന ഫി​ലി​പ്പ് പ​റ​ഞ്ഞു. നി​ല​വി​ൽ കോ​ർ​പ​റേ​ഷ​ന് ഒ​രു പാ​ലി​യേ​റ്റി​വ് യൂ​നി​റ്റാ​ണു​ള്ള​ത്.