30 മഹല്ലുകളിലെ ഖാദിയായി സാദിഖലി തങ്ങൾ ചുമതലയേറ്റു

കുറ്റിക്കാട്ടൂർ: കുന്ദമംഗലം മണ്ഡലത്തിലെ . കുന്ദമംഗലം, ചാത്തമംഗലം, മാവൂർ, പെരുവയൽ, പെരുമണ്ണ പഞ്ചായത്തുകളിലെ 30 മഹല്ലുകളിലാണ് ഖാദിയായി പാണക്കാട് സ്വാദിഖലി ശിഹാബ് തങ്ങൾ ചുമതലയേറ്റത്. കുറ്റിക്കാട്ടൂർ ജാമിഅ യമാനിയയിൽ നടന്ന പരിപാടി സമസ്ത കേരള ജംഇയ്യതുൽ ഉലമ ജനറൽ സെക്രട്ടറി പ്രഫ. ആലിക്കുട്ടി മുസ്‌ലിയാർ ഉദ്ഘാടനം ചെയ്തു. സംഘാടക സമിതി ചെയർമാൻ കെ. മൂസ മൗലവി അധ്യക്ഷതവഹിച്ചു. ഒളവണ്ണ അബൂബക്കർ ദാരിമി സ്വാദിഖലി ശിഹാബ് തങ്ങൾക്ക് കിരീടം അണിയിച്ചു. അബൂബക്കർ ഫൈസി മലയമ്മ, ആർ.വി. കുട്ടിഹസൻ ദാരിമി, കെ.എ. ഖാദർ, മഹ്ശൂഖ് തങ്ങൾ, ദീവാർ അസൈൻ ഹാജി, എ.കെ. മുഹമ്മദലി, എൻ.കെ. യൂസുഫ് ഹാജി, കെ. മുഹമ്മദ് ബാഖവി, കെ.പി. കോയ ഹാജി, പൊതാത്ത് മുഹമ്മദ്, എം.കെ. റസാഖ്, എൻ.പി. അഹ്മദ്, പി.പി. ജാഫർ എന്നിവർ സംസാരിച്ചു.