177 പേര്‍ക്ക് കോവിഡ്

കോഴിക്കോട്​: ജില്ലയില്‍ 177 കോവിഡ് പോസിറ്റിവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ല മെഡിക്കല്‍ ഓഫിസര്‍ അറിയിച്ചു. സമ്പര്‍ക്കം വഴി 167 പേര്‍ക്കും ഉറവിടം വ്യക്തമല്ലാത്ത അഞ്ചു​ പേര്‍ക്കും ഒരു ആരോഗ്യ പ്രവര്‍ത്തകക്കും കേരളത്തിന് പുറത്ത് നിന്നു വന്ന നാലു​ പേര്‍ക്കുമാണ് രോഗം സ്ഥിരീകരിച്ചത്. 2,128 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സികള്‍, വീടുകള്‍ എന്നിവിടങ്ങളില്‍ ചികിത്സയിലായിരുന്ന 415 പേര്‍ കൂടി രോഗമുക്തി നേടി. വീടുകളില്‍ 1,109 പേരാണ്​ ചികിത്സയിലുള്ളത്​.