100 പേരുടെ പരിശോധന ഫലം നെഗറ്റിവ്

മുക്കം: കാരശ്ശേരി ഗ്രാമപഞ്ചായത്തിൽ രണ്ടുപേർക്ക് കോവിഡ് സ്ഥിരീകരിച്ച സാഹചര്യത്തിൽ സമ്പർക്കപ്പട്ടികയിൽ ഉൾപ്പെട്ടവരടക്കം 100 പേരുടെ ആൻറിജൻ പരിശോധനയിൽ എല്ലാവരുടെ ഫലവും നെഗറ്റിവ്​. ആനയാംകുന്ന് സ്കൂളിലാണ്​ പരിശോധന നടത്തിയത്​. ഫലം ഏറെ ആശ്വാസം നൽകുന്നതായി ഗ്രാമപഞ്ചായത്ത് പ്രസിഡന്റ് വി.കെ. വിനോദ് പറഞ്ഞു. ഡോ. പി.പി. സജ്ന, ഡോ. സുബൈദ, സ്​റ്റാഫ് നഴ്സ് ഷാൻറിമോൾ, ലാബ് ടെക്നീഷ്യൻ നീതു, ജെ.എച്ച്.ഐമാരായ ചന്ദ്രൻ, ജാവീദ് ഹുസൈൻ, നിതിൻ, അനിഷ, അസി. സ്​റ്റാഫ് നഴ്സ് സൈനബ തുടങ്ങിയവർ നേതൃത്വം നൽകി