തെച്ചിപ്പാലം പുനർനിർeണം: താൽക്കാലിക ബദൽ റോഡ് വാഹനങ്ങൾക്ക് ദുരിതമാകുന്നു

ബാലുശ്ശേരി: എസ്റ്റേറ്റ്മുക്ക്-കക്കയം റോഡിലെ തെച്ചിപ്പാലം പുതുക്കിപ്പണിയുന്നതിന്റെ ഭാഗമായി താൽക്കാലികമായി നിർമിച്ച ബദൽ റോഡ് വാഹനങ്ങൾക്ക് ദുരിതമാകുന്നു. താൽക്കാലികമായി നിർമിച്ച റോഡിലെ വൈദ്യുതിത്തൂൺ മാറ്റിസ്ഥാപിക്കാത്തതാണ് വാഹനങ്ങൾക്ക് ദുരിതമാകുന്നത്. എതിർദിശയിൽനിന്നു വരുന്ന വാഹനങ്ങൾക്ക് വശം കൊടുക്കാൻ പറ്റാത്ത അവസ്ഥയാണ്. ബദൽ റോഡിലെ തടസ്സങ്ങൾ ഒഴിവാക്കണമെന്നാണ് നാട്ടുകാരുടെ ആവശ്യം. പഴയ പാലം പൊളിച്ചതോടെ ഒരു ഭാഗത്ത് വലിയ കിടങ്ങ് രൂപപ്പെട്ടിരിക്കയാണ്. രാത്രി വാഹനങ്ങൾക്കും ഇത് അപകടഭീതിയാകുന്നുണ്ട്. Photo: എസ്റ്റേറ്റ് മുക്ക്-കക്കയം റോഡിലെ തെച്ചിപ്പാലം പുനർ നിർമിക്കുന്നതിന്റെ ഭാഗമായി നിർമിച്ച ബദൽ റോഡിലെ വൈദ്യുതിത്തൂൺ മാറ്റിസ്ഥാപിക്കാത്ത നിലയിൽ