മദ്റസാധ്യാപക ക്ഷേമനിധി: 51പേർക്കുകൂടി വിവാഹ ധനസഹായം

കോഴി​ക്കോട്​: കേരള മദ്റസാധ്യാപക ക്ഷേമനിധിയിൽനിന്നു 51 പേർക്കുകൂടി വിവാഹ ധനസഹായം അനുവദിച്ചു. 12,75,000 രൂപയാണ് അനുവദിച്ചത്. കഴിഞ്ഞ മാസം 82 പേർക്ക് 20,50,000 രൂപ വിവാഹ ധനസഹായം നൽകിയിരുന്നു. ഈ സാമ്പത്തിക വർഷം ഇതുവരെ 352 പേർക്ക് വിവാഹ സഹായം അനുവദിച്ചു. 38 പേർക്ക് പുതിയതായി പെൻഷനും അഞ്ചു പേർക്ക് 63,960 രൂപ ചികിത്സാ സഹായവും നൽകി. മൂന്ന്​ മദ്റസാധ്യാപികമാർക്ക് പ്രസവാനുകൂല്യമായി 45,000 രൂപയും നൽകി. 1,21,728 രൂപ മരണാനന്തര ആനുകൂല്യവും നൽകി. ജില്ലാതല മദ്റസാധ്യാപക സംഘടനാ ഭാരവാഹികളേയും റെയിഞ്ച്/ കോംപ്ലക്സ് ഭാരവാഹികളെയും മദ്റസാ മാനേജ്മൻെറ് പ്രതിനിധികളേയും ഉൾപ്പെടുത്തി ഉടൻ അംഗത്വ കാമ്പയിൻ സംഘടിപ്പിക്കും. മുഴുവൻ മദ്റസാ അധ്യാപകരും സഹകരിക്കണമെന്ന് ചീഫ് എക്സിക്യുട്ടീവ് ഓഫിസർ അഭ്യർഥിച്ചു.