നരിക്കുനി തേലശ്ശേരി കുളം നവീകരണത്തിന് 30 ലക്ഷം

കൊടുവള്ളി: നിയോജക മണ്ഡലത്തിൽ നരിക്കുനി പഞ്ചായത്തിലെ പാലങ്ങാട് തേലശ്ശേരി കുളം (വലിയകുളം) നവീകരണ പ്രവൃത്തിക്ക് 30 ലക്ഷം രൂപ അനുവദിച്ചതായി ഡോ. എം.കെ. മുനീർ എം.എൽ.എ അറിയിച്ചു. ഇറിഗേഷൻ വകുപ്പിന്റെ പദ്ധതിയിൽ ഉൾപ്പെടുത്തിയാണ് ഫണ്ട് അനുവദിച്ചിട്ടുള്ളത്. ഗ്രാമ പഞ്ചായത്തിന്റെ അധീനതയിലുള്ള കുളത്തിന്റെ സമഗ്ര നവീകരണം സാധ്യമാക്കാനും പൊതുജനങ്ങൾക്ക് ദീർഘകാലത്തേക്ക് ഉപയോഗിക്കാൻ കഴിയുന്ന രീതിയിൽ മാറ്റിയെടുക്കാനുമാണ് ലക്ഷ്യമിടുന്നത്. ടെൻഡർ നടപടികൾ എത്രയും വേഗം പൂർത്തീകരിച്ച് പ്രവൃത്തി ആരംഭിക്കുമെന്നും എം.എൽ.എ അറിയിച്ചു.