മലബാർ സ്​പോർട്​സ്​ അക്കാദമിയുടെ മിനി അത്​ലറ്റിക്​ മീറ്റ്​ 28ന്​

കോഴിക്കോട്​: മലബാർ സ്​പോർട്​സ്​ അക്കാദമിയുടെ ആഭിമുഖ്യത്തിൽ മനോജ്​ മാത്യു മെമ്മോറിയൽ അഖിലകേരള മിനി പ്രമോഷൻ അത്​ലറ്റിക്​ മീറ്റ്​ സംഘടിപ്പിക്കുന്നു. വളർന്നുവരുന്ന കായികതാരങ്ങൾക്കായി മേയ്​ 28ന്​ മെഡിക്കൽ കോളജ്​ ഗ്രൗണ്ടിലാണ്​ പ്രമോഷൻ മീറ്റ്​ സംഘടിപ്പിക്കുന്നതെന്ന്​ സംഘാടകർ വാർത്തസമ്മേളനത്തിൽ അറിയിച്ചു. ഒമ്പതു മുതൽ 13 വയസ്സുവരെയുള്ള കുട്ടികൾക്കായാണ്​ മത്സരം നടത്തുക. ആൺകുട്ടികൾക്കും പെൺകുട്ടികൾക്കും പ്രത്യേകം മത്സരം ഉണ്ടായിരിക്കും. അണ്ടർ 13 വിഭാഗത്തിൽ 2009ൽ ജനിച്ചവരും അണ്ടർ 12ൽ 2010ൽ ജനിച്ചവരും അണ്ടർ 11ൽ 2011ൽ ജനിച്ചവരും അണ്ടർ 10ൽ 2012ൽ ജനിച്ചവരും അണ്ടർ ഒമ്പതിൽ 2013ൽ ജനിച്ചവരുമാണ്​ മത്സരിക്കാൻ അർഹർ. അണ്ടർ ഒമ്പതിൽ 50 മീറ്റർ, 100 മീറ്റർ, ലോങ്​ജംപ്​, ക്രിക്കറ്റ്​ ബാൾ ത്രോ, അണ്ടർ 10ൽ 50 മീറ്റർ, 100 മീറ്റർ, 200 മീറ്റർ, ലോങ്​ജംപ്​, ക്രിക്കറ്റ്​ ബാൾ ത്രോ, അണ്ടർ 11ൽ 100 മീറ്റർ, 200 മീറ്റർ, 300 മീറ്റർ, ലോങ്​ജംപ്​, ക്രിക്കറ്റ്​ ബാൾ ത്രോ, അണ്ടർ 12ൽ 100 മീറ്റർ, 200 മീറ്റർ, 400 മീറ്റർ, ലോങ്​ ജംപ്​, ഹൈ ജംപ്​, ഷോട്ട്​പുട്ട്​, ​ക്രിക്കറ്റ്​ ബാൾ ത്രോ, അണ്ടർ 13ൽ 100 മീറ്റർ, 200 മീറ്റർ, 400 മീറ്റർ, 600 മീറ്റർ, ലോങ്​ ജംപ്​, ഹൈ ജംപ്​, ഷോട്ട്​പുട്ട്​, ഡിസ്കസ്​ത്രോ, ​ക്രിക്കറ്റ്​ ബാൾ ത്രോ എന്നിവയാണ്​ മത്സര ഇനങ്ങൾ. ഓരോ ഇനത്തിലും ഒന്ന്​, രണ്ട്​, മൂന്ന്​ സ്​ഥാനങ്ങൾ കരസ്ഥമാക്കുന്നവർക്ക്​ 300, 200, 100 രൂപ വീതം സമ്മാനത്തുക നൽകുന്നതാണ്​. മേയ്​ 11 മുതൽ 21 വരെയാണ്​ രജിസ്​ട്രേഷൻ. രജിസ്​ട്രേഷൻ ഫീസ്​ 100 രൂപ. കൂടുതൽ വിവരങ്ങൾക്ക്​: 9446256120, 9072442557. വാർത്തസമ്മേളനത്തിൽ മലബാർ സ്​പോർട്​സ്​ അക്കാദമി ചെയർമാൻ ജോസ്​ മാത്യു, ടി.ടി. കുര്യൻ, ടോമി ചെറിയാൻ, പി.ടി. അഗസ്റ്റിൻ എന്നിവർ പ​ങ്കെടുത്തു.