നീലഗിരിയിൽ തിങ്കളാഴ്ച 26 പേർക്ക് കോവിഡ് സ്​ഥിരീകരിച്ചു

ഗൂഡല്ലൂർ: അയൽ ജില്ലയിൽ പോയി വന്ന എട്ടു​ പേരടക്കം നീലഗിരി ജില്ലയിൽ 26 പേർക്ക് തിങ്കളാഴ്ച കോവിഡ് സ്​ഥിരീകരിച്ചതായി കലക്ടർ ജെ. ഇന്നസൻെറ് ദിവ്യ അറിയിച്ചു. കേത്തി നീഡിൽ ഫാക്ടറിയിലെ പി.ആർ.ഒയുടെ സമ്പർക്കംമൂലം രോഗംബാധിച്ചവരുടെ കുടുംബങ്ങളിൽപ്പെട്ടവരാണ് മറ്റു ബാധിതർ. ഗൂഡല്ലൂർ പുറമണവയലിലെ 13കാരിക്കും സമ്പർക്കംമൂലമാണ് രോഗംബാധിച്ചത്. രോഗബാധ കൂടിവരുന്ന സാഹചര്യത്തിൽ ചികിത്സാവശ്യാർഥമല്ലാതെ മറ്റുള്ള കാര്യങ്ങൾക്കായി അയൽ ജില്ലകളിലേക്കുള്ള യാത്ര ഒഴിവാക്കണമെന്ന് കലക്ടർ ആവശ്യപ്പെട്ടു. ഞായറാഴ്ചവരെ 124 പേർക്കാണ് രോഗംബാധിച്ചത്.