ഫറൂഖ് കോളജിലെ 23 വിദ്യാർഥികൾക്ക് അവാർഡ്

കോഴിക്കോട്: സംസ്ഥാന സർക്കാറിന്റെ പ്രഥമ മുഖ്യമന്ത്രി സ്കോളർഷിപ് അവാർഡ് ഫറൂഖ് കോളജിലെ 23 വിദ്യാർഥികൾ കരസ്ഥമാക്കി. ലക്ഷം രൂപയും പ്രശസ്തി പത്രവും അടങ്ങുന്ന പുരസ്കാരം ഏറ്റുവാങ്ങിയ വിദ്യാർഥികളെ കോളജ് പി.ടി.എ കമ്മിറ്റി അനുമോദിച്ചു. പ്രിൻസിപ്പൽ ഡോ. കെ.എം. നസീർ അവാർഡ് സമ്മാനിച്ചു. മുനിസിപ്പൽ കൗൺസിലർ പി.കെ. സജ്ന, ഡോ. ടി. മുഹമ്മദലി, പി. മുഹമ്മദ് റഷീദ്, ഡോ. ജെ.എ. നൗഷാദ്, ഡോ. എം. അബ്ദുൽ ജബ്ബാർ എന്നിവർ സംസാരിച്ചു. പി.ടി.എ സെക്രട്ടറി ഡോ. എസ്.വി. അബ്ദുൽ ഹമീദ് സ്വാഗതവും അബ്ദുൽ ഗഫൂർ നന്ദിയും പറഞ്ഞു.