മഞ്ചേശ്വരം: നോട്ടുനിരോധനത്തിൻെറ ഭാഗമായി നിരോധിച്ച 1000 രൂപയുടെ 17 ലക്ഷം വരുന്ന നിരോധിത നോട്ടുകള്‍ പിടികൂടി. ദേശീയപാതയിലൂടെ രണ്ട് കാറുകളിലായി കടത്തുകയായിരുന്ന നോട്ടുകെട്ടുകള്‍ ഉപ്പളയിലാണ് പിടിയിലായത്.
ഹൈവേ പട്രോളിങ് ടീമാണ് ഇവ പിടിച്ചെടുത്തത്. കുമ്പള എസ്.ഐ, കെ.പി.വി. രാജീവൻെറ നേതൃത്വത്തിലായിരുന്നു നിരോധിത കറന്‍സി വേട്ട. രണ്ട് കാറുകളും കാറിലുണ്ടായിരുന്ന രണ്ടുപേരും കസ്റ്റഡിയിലാണ്. സി.പി.ഒമാരായ ഹരീഷ്, സുനേഷ്, സജീഷ് എന്നിവരും പൊലീസ് ടീമിലുണ്ടായിരുന്നു.