ജില്ലയിൽ 1,477 പേര്‍ക്ക്​ കോവിഡ്

കോഴിക്കോട്​: ജില്ലയില്‍ വ്യാഴാഴ്ച 1,477 കോവിഡ് പോസിറ്റിവ് കേസുകള്‍കൂടി റിപ്പോര്‍ട്ട് ചെയ്തതായി ജില്ല മെഡിക്കല്‍ ഓഫിസര്‍ അറിയിച്ചു. സമ്പര്‍ക്കം വഴി 1,443 പേര്‍ക്കും ഉറവിടം വ്യക്തമല്ലാത്ത 24 പേര്‍ക്കും സംസ്ഥാനത്തിന് പുറത്തുനിന്നു വന്ന ഏഴ്​ പേര്‍ക്കും മൂന്ന് ആരോഗ്യ പ്രവര്‍ത്തകര്‍ക്കുമാണ് രോഗം സ്ഥിരീകരിച്ചത്. 6,662 പേരെ പരിശോധനക്ക് വിധേയരാക്കി. കോവിഡ് ആശുപത്രികൾ, എഫ്.എല്‍.ടി.സികള്‍, വീടുകള്‍ എന്നിവിടങ്ങളില്‍ ചികിത്സയിലായിരുന്ന 2,827 പേര്‍കൂടി രോഗമുക്തി നേടി. നിലവില്‍ 11,931 ആളുകളാണ് കോവിഡ് ബാധിതരായി ഉള്ളത്.