പനായി-നന്മണ്ട 14 റോഡ് നവീകരണപ്രവൃത്തി ഉദ്ഘാടനംചെയ്തു

ബാലുശ്ശേരി: പ്രധാനമന്ത്രി ഗ്രാമസഡക് യോജന പദ്ധതിയിൽ ഉൾപ്പെടുത്തി നിർമിക്കുന്ന പനായി-നന്മണ്ട 14 റോഡിന്റെ നവീകരണ പ്രവൃത്തി ഉദ്ഘാടനം എം.കെ. രാഘവൻ എം.പി നിർവഹിച്ചു. അഡ്വ. കെ.എം. സചിൻദേവ് എം.എൽ.എ അധ്യക്ഷത വഹിച്ചു. 3.87 കോടിരൂപ ഭരണാനുമതി ലഭിച്ച റോഡ് ബാലുശ്ശേരി-നന്മണ്ട പഞ്ചായത്തുകളെ ബന്ധിപ്പിക്കുന്നതാണ്. 3.8 കിലോമീറ്റര്‍ നീളത്തിലും 3.75 മീറ്റര്‍ വീതിയിലുമാണ് റോഡ് നവീകരിക്കുന്നത്. ബാലുശ്ശേരി ഗ്രാമപഞ്ചായത്ത് പ്രസിഡന്റ് രൂപലേഖ കൊമ്പിലാട്, നന്മണ്ട പഞ്ചായത്ത് പ്രസിഡന്റ് കൃഷ്ണവേണി മാണിക്കോത്ത്, വൈസ് പ്രസിഡന്റ് അസ്സയിനാർ എമ്മച്ചംകണ്ടി, ബ്ലോക്ക് പഞ്ചായത്തംഗം സി.കെ. രാജീവൻ, വാർഡ് മെംബർമാരായ എം. ശ്രീജ, ബീന കാട്ടുപറമ്പത്ത്, വി.സി. വിജയൻ, പി.പി. രവി, പി.കെ. ശശീന്ദ്രൻ, മംഗളദാസ്, ഹമീദ് കീഴമ്പത്ത്, ഉദ്യോഗസ്ഥർ തുടങ്ങിയവർ പങ്കെടുത്തു. ജില്ല പഞ്ചായത്ത് അംഗം പി.പി. പ്രേമ സ്വാഗതവും അക്രഡിറ്റഡ് എൻജിനീയർ കെ. വിഷ്ണു നന്ദിയും പറഞ്ഞു.