കുന്ദമംഗലം റെസ്റ്റ് ഹൗസ് നവീകരണത്തിന് 1.31 കോടി

കുന്ദമംഗലം: റെസ്റ്റ് ഹൗസ് നവീകരണത്തിന് 1.31 കോടി രൂപയുടെ ഭരണാനുമതി ലഭ്യമാക്കിയതായി പി.ടി.എ. റഹീം എം.എല്‍.എ അറിയിച്ചു. ഈ സ്ഥാപനത്തിന്‍റെ ശോച്യാവസ്ഥ ശ്രദ്ധയില്‍പെട്ടതിന്റെ അടിസ്ഥാനത്തിൽ എം.എൽ.എ പൊതുമരാമത്ത് വകുപ്പുമായി ബന്ധപ്പെട്ടാണ് ഭരണാനുമതി നേടിയത്. ഇപ്പോള്‍ അനുവദിച്ച തുക ഉപയോഗപ്പെടുത്തി നിലവിലുള്ള കെട്ടിടത്തിന്‍റെ നവീകരണം പൂർത്തീകരിക്കുമെന്ന് എം.എല്‍.എ പറഞ്ഞു. പൊതുജനങ്ങള്‍ക്ക് മെച്ചപ്പെട്ട സൗകര്യങ്ങള്‍ ലഭ്യമാക്കുമെന്നും പറഞ്ഞു.