മെഡിക്കല്‍ കോളജ്:വിദഗ്ധ സമിതി സന്ദര്‍ശനം 13 ലേക്ക് മാറ്റി

കൽപറ്റ: വിംസ് മെഡിക്കല്‍ കോളജ് സര്‍ക്കാര്‍ ഏറ്റെടുക്കുന്നതി​ൻെറ സാധ്യത പരിശോധിക്കുന്നതി​ൻെറ ഭാഗമായി സര്‍ക്കാര്‍ നിയോഗിച്ച വിദഗ്ധ സമിതി വ്യാഴാഴ്​ച ആശുപത്രി സന്ദര്‍ശിക്കാനിരുന്നത് ജൂലൈ 13ലേക്ക്​ മാറ്റി. ഡോ. ആസാദ് മൂപ്പന്‍ സര്‍ക്കാറിന് നല്‍കിയ കത്തി​ൻെറ അടിസ്ഥാനത്തിലാണ് വിദഗ്ധ സമിതിയെ സര്‍ക്കാര്‍ നിയോഗിച്ചത്. തിരുവനന്തപുരം മെഡിക്കല്‍ കോളജിലെ ഡോ. വിശ്വനാഥ​ൻെറ നേതൃത്വത്തിലുള്ള സംഘമാണ് ആശുപത്രി സന്ദര്‍ശിക്കുന്നത്. മൂന്നാഴ്ചക്കകം സര്‍ക്കാറിന് റിപ്പോര്‍ട്ട് നൽകും. ജൂലൈ റേഷന്‍ വിഹിതം കൽപറ്റ: ജൂലൈ മാസത്തെ റേഷന്‍ വിഹിതം താഴെ പറയുന്ന അളവില്‍ റേഷന്‍ കടകളില്‍നിന്ന്​ വാങ്ങാമെന്ന്​ ജില്ല സപ്ലൈ ഓഫിസര്‍ അറിയിച്ചു. എ.എ.വൈ കാര്‍ഡ് (മഞ്ഞ)- 30 കി.ഗ്രാം അരിയും 5 കി.ഗ്രാം ഗോതമ്പും സൗജന്യമായും ഒരു കി.ഗ്രാം പഞ്ചസാര 21 രൂപക്കും ലഭിക്കും. മുന്‍ഗണന കാര്‍ഡ് (പിങ്ക്)- 4 കി.ഗ്രാം അരിയും ഒരു കി.ഗ്രാം ഗോതമ്പും കാര്‍ഡില്‍ ഉള്‍പ്പെട്ട ഓരോ അംഗത്തിനും കി.ഗ്രാമിന് രണ്ട്​ രൂപ നിരക്കില്‍ ലഭിക്കും. മുന്‍ഗണനേതര(സബ്‌സിഡി), എന്‍.പി.എസ്. (നീല)- ഓരോ അംഗത്തിനും രണ്ട്​ കിലോ അരി നാല്​ രൂപ നിരക്കിലും ആട്ട കാര്‍ഡിന് 1 മുതല്‍ 3 കി.ഗ്രാം വരെ ലഭ്യതക്കനുസരിച്ച് കിലോ 17 രൂപ നിരക്കിലും ലഭിക്കും. മുന്‍ഗണനേതര (നോണ്‍ സബ്‌സിഡി) (വെളള)- നാല്​ കി.ഗ്രാം അരി 10.90 രൂപക്കും ആട്ട കാര്‍ഡിന് ഒന്ന്​ മുതല്‍ 3 കി.ഗ്രാം വരെ ലഭ്യതക്കനുസരിച്ച് കിലോ 17 രൂപ നിരക്കിലും ലഭിക്കും. മണ്ണെണ്ണ- വൈദ്യുതീകരിച്ച വീടുകള്‍ക്ക് 0.5 ലിറ്ററും വൈദ്യുതീകരിക്കാത്ത വീടുകള്‍ക്ക് നാല്​ ലിറ്ററും മണ്ണെണ്ണ 29 രൂപ നിരക്കില്‍ ലഭിക്കും. റേഷന്‍ സാധനങ്ങള്‍ വാങ്ങുമ്പോള്‍ ബിൽ നിര്‍ബന്ധമായും ചോദിച്ച് വാങ്ങണമെന്നും ബില്ലിലെ അര്‍ഹതപ്പെട്ട മുഴുവന്‍ വിഹിതവും ലഭിച്ചിട്ടുണ്ടെന്ന് ഉറപ്പുവരുത്തണമെന്നും സപ്ലൈ ഓഫിസര്‍ അറിയിച്ചു. BOX വൈദ്യുതി മുടങ്ങും പടിഞ്ഞാറത്തറ സെക്​ഷനു കീഴിലെ കുറുമണി, കൊറ്റുകുളം, കക്കണംകുന്ന് ഭാഗങ്ങളില്‍ ട്രാന്‍സ്‌ഫോമര്‍ അറ്റകുറ്റപ്പണി നടക്കുന്നതിനാൽ വ്യാഴാഴ്​ച രാവിലെ 10 മുതല്‍ വൈകീട്ട് 3.30 വരെ പൂര്‍ണമായോ ഭാഗികമായോ വൈദ്യുതി മുടങ്ങും. ````````````` നരഭോജി കടുവ വീണ്ടും പുൽപ്പള്ളി - നരഭോജി കടുവ വീണ്ടും കതവാക്കുന്നിലിറങ്ങിയതായി സംശയം. ഇതേത്തുടർന്ന് വനംവകുപ്പ് നിരീക്ഷണം ശക്​തമാക്കി. രണ്ടാഴ്ച മുമ്പ് പ്രദേശവാസിയായ യുവാവിനെ കടുവ കൊന്നു ഭക്ഷിച്ചിരുന്നു. പിന്നീട് വനംവകുപ്പ് ഇവിടെ കാമറ നിരീക്ഷണം നടത്തിയെങ്കിലും കടുവയുടെ സാന്നിധ്യം കണ്ടെത്തിയിരുന്നില്ല. കെണിയിലും കടുവ കുടുങ്ങിയില്ല. കഴിഞ്ഞ ആഴ്ച ഇവിടെനിന്ന്​ രണ്ട് കിലോമീറ്റർ അകലെയുള്ള മണലമ്പത്ത് കടുവ പശുവിനെ കൊന്നു. ഇവിടെയും കാമറകൾ സ്​ഥാപിച്ചെങ്കിലും കടുവയെ കണ്ടെത്താൻ സാധിച്ചില്ല. കഴിഞ്ഞ ദിവസം കതവാക്കുന്നിൽ വീണ്ടും കടുവയെ കണ്ടെത്തിയതായി നാട്ടുകാർ വനംവകുപ്പിനെ അറിയിച്ചു. കടുവയെ പിടികൂടാൻ കൂട് സ്​ഥാപിച്ചിട്ടുണ്ട്.