സെൻട്രൽ മാർക്കറ്റിൽനിന്ന്​ 125 കിലോ പഴകിയ മീൻ പിടികൂടി

കോഴിക്കോട്​: ഭക്ഷ്യസുരക്ഷാവകുപ്പിന്‍റെ 'ഓപറേഷൻ സാഗർ റാണി' യുടെ ഭാഗമായി സെൻട്രൽ മാർക്കറ്റിൽ നടത്തിയ പരിശോധനയിൽ പഴകിയ ഭക്ഷ്യയോഗ്യമല്ലാത്ത നൂറ്​ കിലോ ചൂര, അഞ്ച്​ കിലോ സിലോപി, 20 കിലോ സ്രാവ് എന്നിവ പിടികൂടി നശിപ്പിച്ചു. കോഴിക്കോട് ഭക്ഷ്യസുരക്ഷാവകുപ്പിന്‍റെ മൊബൈൽ ഫുഡ്‌ ടെസ്റ്റിങ് ലാബിലാണ് പരിശോധന നടത്തിയത്. സാമ്പിളുകളിൽ ഫോർമാലിൻ, അമോണിയ എന്നിവയുടെ സാന്നിധ്യം കണ്ടെത്തിയില്ല. ഭക്ഷ്യസുരക്ഷാ ഓഫിസർമാരായ ഡോ. വിഷ്ണു എസ്. ഷാജി, എസ്. ലസിക എന്നിവർ പരിശോധനക്ക് നേതൃത്വം നൽകി. വരും ദിവസങ്ങളിലും പരിശോധനകൾ ഊർജിതമാക്കുമെന്ന്‌ ഭക്ഷ്യസുരക്ഷാ അസി. കമീഷണർ കെ.കെ. അനിലൻ അറിയിച്ചു. fish test ഭക്ഷ്യസുരക്ഷാവകുപ്പ്​ കോഴിക്കോട്​ സെൻട്രൽ മാർക്കറ്റിൽ നടത്തിയ പരിശോധന