കൊയിലാണ്ടിയിൽ 12 പേരെ മാറ്റിത്താമസിപ്പിച്ചു

കൊയിലാണ്ടി: തോരാമഴയിൽ ദുരിതം തുടരുന്നു. താലൂക്കിൽ രണ്ടു വീടുകൾകൂടി ഭാഗികമായി തകർന്നു. കോട്ടൂർ, മൂടാടി വില്ലേജുകളിലാണ് ഓരോ വീടുകൾ ഭാഗികമായി തകർന്നത്. മൂടാടി ഗോഖലെ യു.പി സ്കൂളിൽ ക്യാമ്പ് തുടങ്ങി. താഴ്​ന്ന പ്രദേശങ്ങളെല്ലാം വെള്ളത്തിനടിയിലാണ്. ഗ്രാമീണ റോഡുകൾ തകർന്നു. വെള്ളം കയറിയതിനെ തുടർന്ന് കിണർവെള്ളം മലിനമായ കുടുംബങ്ങളുമുണ്ട്. താഴ്​ന്ന പ്രദേശങ്ങളിലെ ശൗചാലയങ്ങൾ ഉപയോഗിക്കാൻ പറ്റാതായി.