കോർപറേഷൻ അദാലത്​: 1021 അപേക്ഷകള്‍​ തീർപ്പായി

കോഴിക്കോട്​: മൂന്നു ദിവസമായി നടന്ന കോര്‍പറേഷന്‍ ഫയല്‍ അദാലത്തില്‍ 1021 അപേക്ഷകള്‍ക്ക്​ തീർപ്പ്​. മൊത്തം 4102 അപേക്ഷകൾ പരിഗണിച്ചതിലാണിത്​. സാമൂഹികസുരക്ഷ പെന്‍ഷനുമായി ബന്ധപ്പെട്ട 692 പരാതികൾ ഇതിൽ പെടുന്നു. നോട്ടീസ് അയച്ചിട്ടും ഹാജരാകാത്തവരുടെ ഫയലാണ്​ ഇനി കാര്യമായി തീർക്കാനുള്ളതെന്ന്​ അധികൃതർ പറഞ്ഞു. ഇവർ അഞ്ച് ദിവസത്തിനകം എത്തിയാല്‍ പെ​ട്ടെന്ന് തീരുമാനമുണ്ടാവും. എല്ലാ മാസവും വകുപ്പുതലത്തില്‍ ഫയലുകള്‍ തീര്‍പ്പാക്കാനുള്ള നടപടികളും സ്വീകരിക്കും. കോര്‍പറേഷന്‍ പ്രധാന ഓഫിസിനു പുറമെ മേഖലാ ഓഫിസുകളിലും ഇത്തരം നടപടികളുണ്ടാവും.