ഭക്ഷണത്തിന്റെ പേരിൽ ഭിന്നത: കർശന നടപടി വേണം -യൂത്ത്​ കോൺഗ്രസ്​

കോഴിക്കോട്: ഭക്ഷണത്തിന്റെ പേരിൽ സമൂഹത്തിൽ ഭിന്നത വളർത്തുന്ന ആർ.എസ്.എസിനെതിരെ കർശന നടപടി സ്വീകരിക്കണമെന്ന് യൂത്ത് കോൺഗ്രസ് ജില്ല കമ്മിറ്റി ആവശ്യപ്പെട്ടു. പേരാമ്പ്രയിലെ സൂപ്പർ മാർക്കറ്റിൽ മാംസ ഉൽപന്നങ്ങളുടെ വിപണനം തടയാനുള്ള ആർ.എസ്.എസിന്റെ നീക്കത്തെ എന്തുവില കൊടുത്തും യൂത്ത് കോൺഗ്രസ് പ്രതിരോധിക്കുമെന്ന് ജില്ല പ്രസിഡന്‍റ്​ ആർ. ഷഹിൻ പറഞ്ഞു. പേരാമ്പ്ര സംഭവത്തിൽ പൊലീസ് കർശന നടപടി സ്വീകരിക്കണം. സംസ്ഥാന സർക്കാറിന്റെ അലംഭാവമാണ് ഹലാൽ മാംസത്തിന്റെയും ബീഫിന്റെയും പേരു പറഞ്ഞ് സമൂഹത്തിൽ വിഭാഗീയത സൃഷ്ടിക്കാൻ ആർ.എസ്.എസിനെ പ്രേരിപ്പിക്കുന്നത്. ഇതിനെതിരെ മതനിരപേക്ഷ സമൂഹം ജാഗ്രത പുലർത്തണമെന്നും ആർ. ഷഹിൻ ആവശ്യപ്പെട്ടു.