മുക്കാളി റെയിൽവേ സ്റ്റേഷനിൽ ട്രെയിനുകൾക്ക് വരവേൽപ്​

വടകര: മുക്കാളി റെയിൽവേ സ്റ്റേഷനിൽ ദീർഘകാലത്തെ ഇടവേളക്ക് ശേഷം സ്റ്റോപ്പ് പുനഃസ്ഥാപിച്ച ട്രെയിനുകൾക്ക് വരവേൽപ്​ നൽകി. മുക്കാളി ട്രെയിൻ യൂസേഴ്സ് ഫോറമാണ് ചടങ്ങ് ഒരുക്കിയത്. കോവിഡ് വ്യാപനത്തെ തുടർന്നാണ് ട്രെയിനുകൾക്ക് സ്റ്റോപ്പ് നഷ്ടപ്പെട്ടത്. ജനപ്രതിനിധികളുടെയും റെയിൽവേ പാസഞ്ചേഴ്​സ് അമിനിറ്റി കമ്മിറ്റി, സാമൂഹിക രാഷ്ട്രീയ സാംസ്കാരിക സംഘടനകളുടെയും യൂസേഴ്സ് ഫോറത്തിന്റെയും ഇടപെടലുകളാണ് ട്രെയിനുകൾക്ക് വീണ്ടും സ്റ്റോപ്പ് അനുവദിക്കാൻ കാരണമായത്. കോവിഡിൽ നിർത്തലാക്കിയ മുഴുവൻ ​ട്രെയിനുകൾക്കും സ്റ്റോപ്പ് അനുവദിക്കണമെന്ന് ഫോറം ആവശ്യപ്പെട്ടു. സ്വീകരണ യോഗത്തിൽ ചെയർമാൻ റീന രയരോത്ത് അധ്യക്ഷത വഹിച്ചു. എം.കെ. സുരേഷ് ബാബു, പി. ബാബുരാജ്, എം.പി. ബാബു, ഹാരിസ് മുക്കാളി, പ്രദീപ് ചോമ്പാല, പ്രമോദ് മാട്ടാണ്ടി, കെ. പ്രശാന്ത്, കെ.പി. ഗോവിന്ദൻ, പ്രശാന്ത് സമത, ടി.ടി. പത്മനാഭൻ, എം. അലി, എൻ.പി. മഹേഷ്, ദിനേശൻ കോറോത്ത് കണ്ടി, യു.എ. റഹീം എന്നിവർ സംസാരിച്ചു. പടം മുക്കാളി റെയിൽവേ സ്റ്റേഷനിൽ സ്റ്റോപ്പ് പുനഃസ്ഥാപിച്ച ട്രെയിനുകൾക്ക് നൽകിയ വരവേൽപ്​ saji 3