ഓവുചാലിലെ തടസ്സം നീക്കി; റോഡിലെ മലിനജലമൊഴുക്കിന് ശമനം

കുറ്റ്യാടി: ടൗണിലെ ജല അതോറിറ്റിയുടെ ശുചീകരണ ശാലയിൽനിന്ന് മലിനജലം റോഡിലേക്കൊഴുകുന്ന പ്രശ്നത്തിന് താൽക്കാലിക പരിഹാരം. നാദാപുരം റോഡിൽ ഓവുചാലിലെ തടസ്സങ്ങൾ നീക്കിയതോടെയാണ് ശുചീകരണശാലയിലെ ടാങ്ക് കഴുകി പുറത്തേക്കൊഴുക്കുന്ന ചളിവെള്ളം റോഡിലേക്ക് ഒഴുകുന്നത് നിലച്ചത്. മലിനജലം റോഡിലേക്ക് കയറുന്ന വാർത്ത 'മാധ്യമം' റിപ്പോർട്ട് ചെയ്തിരുന്നു. ഓവുപാലത്തിന്റെ സ്ലാബ് തകർന്ന് ഓവുചാൽ അടഞ്ഞതിനാലാണ് വെള്ളം റോഡിലേക്ക് ഒഴുകിയിരുന്നത്. എന്നാൽ, ടാങ്കിനു സമീപത്തെ തടസ്സം നീക്കാത്തതിനാൽ ആ ഭാഗത്ത് വെള്ളം ഇപ്പോഴും റോഡിലെത്തുന്നതായി വ്യാപാരികൾ പറയുന്നു. photo: കുറ്റ്യാടി ടൗണിൽ നാദാപുരം റോഡിലെ ഓവുചാലിലെ തടസ്സങ്ങൾ നീക്കിയപ്പോൾ