ഡൽഹിയിൽ കളി വർഗീയസംഘർഷത്തിലേക്ക് മാറി: മൂന്നുപേർ അറസ്റ്റിൽ

ഡൽഹിയിൽ കളി വർഗീയ സംഘർഷത്തിലേക്ക് മാറി: മൂന്നുപേർ അറസ്റ്റിൽ ന്യൂഡൽഹി: ഡൽഹിയിലെ വടക്കുകിഴക്കൻ മേഖലയിൽ വ്യത്യസ്ത മതവിഭാഗത്തിൽപ്പെട്ടവർ തമ്മിലുണ്ടായ സംഘർഷത്തിനെ തുടർന്ന് മൂന്നുപേരെ അറസ്റ്റ് ചെയ്തു. ബുധനാഴ്ച രാത്രി വെൽക്കം പൊലീസ് സ്റ്റേഷൻ പരിസരത്തെ പാർക്കിൽ കളിക്കുന്നതിനിടെ യുവാക്കൾ തമ്മിലുണ്ടായ വാക്കേറ്റം പിന്നീട് വർഗീയസ്വഭാവമുള്ള സംഘർഷത്തിലേക്ക് നീങ്ങുകയായിരുന്നു. വിവരമറിഞ്ഞ ഉടൻ പൊലീസ് സംഘം സ്ഥലത്തെത്തി 37 പേരെ കസ്റ്റഡിയിൽ എടുത്തു. കലാപത്തിനാണ് കേസെടുത്തത്. പ്രതികളെ തിരിച്ചറിയുന്നതിനായി പ്രദേശത്തെ സി.സി.ടി.വി ദൃശ്യങ്ങൾ പരിശോധിക്കും. നിലവിൽ സാഹചര്യം നിയന്ത്രണവിധേയമാണ്.