മേയ്ദിന റാലി നടത്തി

വടകര: സാർവദേശീയ തൊഴിലാളി ദിനത്തിന്റെ ഭാഗമായി സി.ഐ.ടി.യു വടകര ഏരിയ കമ്മിറ്റിയുടെ നേതൃത്വത്തിൽ നഗരത്തിൽ മേയ്ദിന റാലിയും പൊതുസമ്മേളനവും നടത്തി. മുനിസിപ്പൽ ടൗൺഹാൾ പരിസരത്തുനിന്ന് ആരംഭിച്ച റാലി പുതിയ ബസ് സ്റ്റാൻഡ് പരിസരത്ത് സമാപിച്ചു. വിവിധ തൊഴിലാളി സംഘടനകൾ ബാനറിന് പിന്നിൽ അണിനിരന്ന റാലിയിൽ നൂറുകണക്കിന് തൊഴിലാളികൾ പങ്കാളികളായി. പുതിയ സ്റ്റാൻഡ് പരിസരത്ത് നടന്ന പൊതുയോഗം കെ.എസ്.കെ.ടി.യു ജില്ല സെക്രട്ടറി കെ.കെ. ദിനേശൻ ഉദ്ഘാടനം ചെയ്തു. സി.ഐ.ടി.യു ഏരിയ പ്രസിഡന്റ് എ.കെ. ബാലൻ അധ്യക്ഷത വഹിച്ചു. ജില്ല സെക്രട്ടറി പി.സി. സുരേഷ്, ടി. സജിത്ത് കുമാർ, വി.വി. വിനോദ്, എസ്. അരുൺ എന്നിവർ സംസാരിച്ചു. പി. ശശിധരൻ പ്രതിജ്ഞ ചൊല്ലിക്കൊടുത്തു. വേണു കക്കട്ടിൽ സ്വാഗതം പറഞ്ഞു. ചിത്രം സി.ഐ.ടി.യു വടകര ഏരിയ കമ്മിറ്റിയുടെ നേതൃത്വത്തിൽ നഗരത്തിൽ നടന്ന മേയ്ദിന റാലി Saji 2