പൊലീസുകാർക്ക്​ കുട നൽകി

കോഴിക്കോട്​: കത്തുന്ന വേനൽചൂടിൽ കൺട്രോൾ റൂം പൊലീസുദ്യോഗസ്ഥർക്ക് കുടയുടെ തണലുമായി മാനാഞ്ചിറ എസ്​.ബി.ഐ. കേരള പൊലീസ് അസോസിയേഷന്‍റെ അഭ്യർഥനയെ തുടർന്ന് എസ്​.ബി.എ 100 കുടകളാണ് അനുവദിച്ചത്. എസ്​.ബി.ഐ റീജനൽ മാനേജർ മനോജിൽനിന്ന് ഡെപ്യൂട്ടി പൊലീസ്​ മേധാവി ആമോസ് മാമൻ കുടകൾ ഏറ്റുവാങ്ങി. പൊലീസ്​ സംഘടനകളുടെ ഭാരവാഹികളും എസ്​.ബി.ഐ ഉദ്യോഗസ്ഥരും സംബന്ധിച്ചു.