ബസിൽ ആറു വയസ്സുകാരിയോട്​ മോശമായി പെരുമാറിയ യുവാവ്​ അറസ്റ്റിൽ

കോഴിക്കോട്: കെ.എസ്.ആർ.ടി.സി ബസിൽ അമ്മയോടൊപ്പം യാത്രചെയ്യുകയായിരുന്ന ആറു വയസ്സുകാരിയോട്​ മോശമായി പെരുമാറിയ യുവാവ്​ അറസ്​റ്റിൽ. നിലമ്പൂർ സ്വദേശി ബിജു (44) ആണ്​ പിടിയിലായത്​. ഞായറാഴ്ച അർധരാത്രി തൃശൂർ-കണ്ണൂർ സൂപ്പർഫാസ്റ്റിലാണ് സംഭവം. കോഴിക്കോട് ടെർമിനലിൽനിന്ന് ബസിൽ കയറിയ യുവാവ് ബസ് പുറപ്പെട്ടയുടൻ കുട്ടിയോട് മോശമായി പെരുമാറുകയായിരുന്നു. കുട്ടിയുടെ അമ്മയുടെ പരാതിയിൽ സ്ഥലത്തെത്തിയ നടക്കാവ്​ പൊലീസ്​ കേസെടുത്തു. യുവാവ് മദ്യലഹരിയിലായിരുന്നു. തിരക്കുള്ള ബസിലായിരുന്നു സംഭവം. കോടതിയിൽ ഹാജരാക്കിയ പ്രതിയെ റിമാൻഡ്​ ചെയ്തു.