ഇഫ്താർ സംഗമവും റമദാൻ കിറ്റ് വിതരണവും

കൊടുവള്ളി: ഡെഫ് വെൽഫെയർ ഫൗണ്ടേഷന്റെ ആഭിമുഖ്യത്തിൽ നടന്ന ഇഫ്താർ സംഗമവും റമദാൻ കിറ്റ് വിതരണവും ഡോ. എം.കെ. മുനീർ എം.എൽ.എ ഉദ്ഘാടനം ചെയ്തു. മുനിസിപ്പൽ ചെയർമാൻ അബ്ദു വെള്ളറ അധ്യക്ഷത വഹിച്ചു. നിർധന കുടുംബങ്ങൾക്കുള്ള സാമ്പത്തിക സഹായങ്ങളും വിതരണം ചെയ്തു. കിഴക്കോത്ത് ഗ്രാമപഞ്ചായത്ത് അംഗം അർഷദ് കിഴക്കോത്ത്, അശ്റഫ് വാവാട്, അഡ്വ. മുഹമ്മദ് ഫിർദൗസ്, ടി.പി. ഹാരിസ്, എം.സി. റഫീഖ്, എ.കെ. അബ്ദുൽ മജീദ് എന്നിവർ സംസാരിച്ചു.