മഴ; തിരുവള്ളൂരിൽ നാശനഷ്ടം

തിരുവള്ളൂർ: കഴിഞ്ഞ ദിവസമുണ്ടായ ശക്തമായ വേനൽമഴയിലും മിന്നലിലും വ്യാപക നഷ്ടം. തിരുവള്ളൂർ ടൗണിലെ അഞ്ചാം വാർഡിലെ മണലിക്കണ്ടി മാലതി, മോഹൻ ദാസ്, ചെമ്പോട്ട് കണ്ടി രാഘവൻ എന്നിവർക്കാണ് നാശനഷ്ടം സംഭവിച്ചത്. മാലതിയുടെ വീട്ടിലെ തെങ്ങുകൾ കത്തിനശിച്ചു. വൈദ്യുതി ഉപകരണങ്ങളും വൈദ്യുതി മീറ്ററും ഉൾപ്പെടെ കത്തി. കിണറിനും കാര്യമായ കേടുപാടുകൾ സംഭവിച്ചു. മോഹൻ ദാസിന്റെ കോൺക്രീറ്റ് വീടിന്റെ ഭിത്തിയും ചുമരും തകർന്നു. രാഘവന്റെ വീട്ടിലെ വയറിങ്ങും സ്വിച്ച് ബോർഡുകളും തകരാറിലായി. വാർഡ് അംഗം ഷഹനാസ്, കൺവീനർ ആർ.കെ. മുഹമ്മദ്, തൻവീർ എന്നിവർ വീടുകൾ സന്ദർശിച്ചു. നഷ്ടപരിഹാരത്തിന് സർക്കാർ സഹായം അനുവദിക്കണമെന്നും ആവശ്യപ്പെട്ടു.