ഓവുചാൽ നിർമാണം സ്തംഭനാവസ്ഥയിൽ: കിടങ്ങുകൾ നികത്തുന്നു

കുറ്റ്യാടി: ടൗൺ വികസനപദ്ധതിയുടെ ഭാഗമായ ഓവുചാൽ നിർമാണം സ്തംഭനാവസ്ഥയിൽ. വിഷുവിന് മുമ്പ് നിർത്തിയ പ്രവൃത്തികൾ ഇനിയും പുനരാരംഭിച്ചിട്ടില്ല. കടകളിലേക്കും വീടുകളിലേക്കും തടസ്സമായിനിന്ന കിടങ്ങ് ചിലഭാഗത്ത് മണ്ണിട്ട് നികത്തിയിട്ടുണ്ട്. സ്വകാര്യകെട്ടിടത്തിലെ കക്കൂസ് ടാങ്ക് കിടങ്ങ് നിർമാണത്തിനിടയിൽ തകർന്നിരുന്നു. ദുർഗന്ധത്തെ തുടർന്ന് ഈ ഭാഗത്തെ കിടങ്ങിലും മണ്ണിട്ടു. വേനൽമഴ കാരണം കിടങ്ങുകളിൽ വെള്ളം നിറഞ്ഞ് വാഹനങ്ങൾക്കും ഭീഷണിയായിട്ടുണ്ട്. photo: കുറ്റ്യാടിയിൽ ഓവുചാലുണ്ടാക്കാൻ നിർമിച്ച കിടങ്ങിൽ വെള്ളം