കളൻതോട് പോളി: മുടങ്ങിയ പരീക്ഷ വിദ്യാർഥികൾ എഴുതി

ചാത്തമംഗലം: കളൻതോട് കെ.എം.സി.ടി പോളിടെക്നിക് കോളജിൽ അധ്യാപകസമരത്തെ തുടർന്ന് മുടങ്ങിയ പരീക്ഷ എഴുതാൻ വിദ്യാർഥികൾക്ക് അവസരമൊരുക്കി. 2022 ജനുവരി 18ന് നടന്ന രണ്ടാം വർഷ വിദ്യാർഥികളുടെ ഇംഗ്ലീഷ് പരീക്ഷയാണ് മുടങ്ങിയിരുന്നത്. ഫലം വന്നപ്പോൾ കൂട്ടത്തോൽവിയുണ്ടായതിനെ തുടർന്ന് വിദ്യാർഥികൾ സമരം നടത്തിയിരുന്നു. മാനേജ്മെന്റിന്റെയും സാങ്കേതിക വിദ്യാഭ്യാസ വകുപ്പിന്റെയും ഇടപെടലിനെ തുടർന്ന് ഈ പരീക്ഷ റെഗുലറായി നടത്താൻ ഉന്നത വിദ്യാഭ്യാസവകുപ്പ് നേരത്തെ ഉത്തരവിറക്കിയിരുന്നതായി പ്രിൻസിപ്പൽ അറിയിച്ചു.