കുടിവെള്ള വിതരണം മുടങ്ങും

കൊടുവള്ളി: കോടഞ്ചേരി ഗ്രാമപഞ്ചായത്തിൽ മലയോര ഹൈവേയുടെ പ്രവൃത്തി നടക്കുന്നതിന്റെ ഭാഗമായി നെല്ലിപൊയിൽ എലന്തുകടവ് റോഡിൽ ജല അതോറിറ്റിയുടെ ത്വരിത ഗ്രാമീണ ശുദ്ധ ജല വിതരണ പൈപ്പ് ലൈനുകൾക്ക് സാരമായ കേടുപാടുകൾ സംഭവിച്ചതുകാരണം എലന്തുകടവ്, പള്ളിപ്പടി, പൊട്ടൻകോട് ഭാഗങ്ങളിൽ ജല വിതരണം പൂർണമായും തടസ്സപ്പെട്ടിരിക്കുകയാണ്. ഈ ഭാഗങ്ങളിൽ പുതിയ പൈപ്പ് ലൈൻ സ്ഥാപിക്കുന്ന പ്രവൃത്തി നടക്കുന്നതിനാൽ ഏപ്രിൽ 30 വരെ കുടിവെള്ള വിതരണം ഉണ്ടായിരിക്കുന്നതല്ലെന്ന് കേരള വാട്ടർ അതോറിറ്റി അസി.എൻജിനീയർ അറിയിച്ചു.