അനിശ്ചിതകാല റിലേ സത്യഗ്രഹ സമരം

കോഴിക്കോട്: ശമ്പള പരിഷ്കരണ കരാർ ലംഘിച്ച്​ തൊഴിലാളികൾക്ക് വേതനം നിഷേധിക്കുന്നതിനെതിരെ കെ.എസ്.ആർ.ടി എംപ്ലോയീസ് അസോസിയേഷൻ (സി.ഐ.ടി.യു) നേതൃത്വത്തിൽ നടക്കുന്ന കെ.എസ്.ആർ.ടി.സി ജീവനക്കാരുടെ തുടരുന്നു. കോഴിക്കോട് റീജനൽ വർക്ക്​ഷോപ്, കോഴിക്കോട് കെ.എസ്.ആർ.ടി.സി ബസ്​ സ്റ്റാൻഡ്​, താമരശ്ശേരി, തിരുവമ്പാടി, തൊട്ടിൽപ്പാലം, വടകര ഡിപ്പോകൾ എന്നിവിടങ്ങളിലാണ് സമരം നടക്കുന്നത്. കോഴിക്കോട് റീജനൽ വർക്ക്ഷോപ്പിൽ സമരം കെ.എസ്.ആർ.ടി.ഇ.എ (സി.ഐ.ടി.യു) ജില്ല സെക്രട്ടറി എ.സി. അനൂപ് ഉദ്​ഘാടനം ചെയ്തു. യൂനിറ്റ് സെക്രട്ടറി സനൂപ് അമ്പാളിയാണ്​ നിരാഹാരമനുഷ്ഠിച്ചത്​. ദിൻകർകൃഷ്ണജ് അധ്യക്ഷത വഹിച്ചു. പി. അജിത്ത്കുമാർ, സി.എ. പ്രമോദ്കുമാർ, സി. നാസർ, സി.പി. സുലൈമാൻ, ടി.കെ. രമിത്ത് എന്നിവർ സംസാരിച്ചു. വിവിധ യൂനിറ്റുകളിൽ കെ.എം. രാജേന്ദ്രൻ, സി.കെ. അഷറഫ്, ബിനു മാധവൻ, വി.കെ. റിനീഷ്, ടി. സൂരജ് എന്നിവരാണ് നിരാഹാരമനുഷ്ഠിച്ചത്.