കെ.എസ്​.ആർ.ടി.സി സ്റ്റാൻഡിൽ സ്വിഫ്​റ്റ്​ ഇടിച്ച്​ ലോ ഫ്ലോറിന്‍റെ ചില്ല്​ തകർന്നു

കോഴിക്കോട്​: കെ.എസ്​.ആർ.ടി.സി ബസ്​ സ്റ്റാൻഡിൽ സ്വിഫ്​റ്റ്​ ബസ്​ ഇടിച്ച്​ ലോ ഫ്ലോർ ബസിന്‍റെ ചില്ല്​ തകർന്നു. ശനിയാഴ്​ച രാത്രി ഏഴോടെയാണ്​ അപകടം. കോഴിക്കോട്​ നിന്ന്​ ബംഗളൂരുവിലേക്ക്​ സർവിസ്​ നടത്തുന്ന ബസാണ്​ അപകടമുണ്ടാക്കിയത്​. സുൽത്താൻ ബത്തേരിയിൽ നിന്നാണ്​ ലോ ഫ്ലോർ എത്തിയത്​. തിരുവനന്തപുരത്ത്​ നിന്ന്​ കോഴിക്കോട്​ സർവീസ്​ നടത്തുന്ന സ്വിഫ്​റ്റ്​ ബസ്​ ആദ്യദിനത്തിൽ തന്നെ മറ്റൊരു ബസുമായി ഉരസ്സിയിരുന്നു. കഴിഞ്ഞദിവസം താമര​ശ്ശേരി ചുരത്തിലും സ്വിഫ്​റ്റ്​ ബസ്​ അപകടത്തിൽപെട്ടിരുന്നു. ഡ്രൈവർമാരുടെ പരിചയക്കുറവാണ്​ സ്വിഫ്​റ്റ്​ ബസ്​ നിരന്തരം അപകടത്തിൽപെടാൻ കാരണമെന്ന്​ കെ.എസ്​.ആർ.ടി.സിയിലെ തൊഴിലാളി സംഘടനകൾ ചൂണ്ടിക്കാട്ടുന്നു. സ്വിഫ്​റ്റ്​ അപകടം ആസൂത്രിതമെന്ന്​ കെ. എസ്​.ആർ.ടി.സി എം.ഡി ആദ്യദിവസംതന്നെ പ്രസ്താവന നടത്തിയിരുന്നു. പരിചയസമ്പന്നരായ കെ.എസ്​.ആർ.ടി.സി എം.പാനൽ ജീവനക്കാരെ ഡെപ്യൂട്ടേഷനിൽ നിയോഗിക്കുന്നതിനു പകരം പുതിയ ഡ്രൈവർമാരെയാണ്​ സ്വിഫ്​റ്റിൽ നിയോഗിച്ചിരിക്കുന്നത്​. swift accident കെ.എസ്​.ആർ.ടി.സി ബസ്​ സ്റ്റാൻഡിൽ സ്വിഫ്​റ്റ്​ ബസ്​ ഇടിച്ച്​ ലോ ഫ്ലോർ ബസിന്‍റെ ചില്ല്​ തകർന്നനിലയിൽ