ഏകോപന സമിതി മുക്കം യൂനിറ്റ്​ പ്രസിഡന്‍റിനെതിരെ നടപടി

കോഴിക്കോട്​: വ്യാപാരി വ്യവസായി ​ഏകോപന സമിതി മുക്കം യൂനിറ്റ്​ അംഗം ടി.പി. ഫൈസലിനെ മർദിച്ച സംഭവത്തിൽ യൂനിറ്റ്​ പ്രസിഡന്‍റ്​ നൗഷാദിനെ ശാസിക്കാൻ ജില്ല കമ്മിറ്റി തീരുമാനിച്ചു. നൗഷാദിനോട്​ പ്രസിഡന്‍റ്​ സ്ഥാനത്തുനിന്ന് നിർബന്ധിത അവധിയിൽ പ്രവേശിക്കാൻ കമ്മിറ്റി നിർദേശിച്ചു. ആക്​റ്റിങ്​ പ്രസിഡന്‍റ്​ എം. അബ്​ദുൽ സലാം, ജനറൽ സെക്രട്ടറി വി. സുനിൽകുമാർ, ട്രഷറർ എ.വി.എം. കബീർ എന്നിവർ സംസാരിച്ചു.