യൂത്ത് ലീഗ് സൗഹൃദ സംഗമവും ഇഫ്താറും

കോഴിക്കോട്: മുസ്‌ലിം യൂത്ത് ലീഗ് സംസ്ഥാന കമ്മിറ്റി യുവജന സംഘടന നേതാക്കളെ പങ്കെടുപ്പിച്ച്​ സൗഹൃദ സംഗമവും നോമ്പ് തുറയും നടത്തി. മതേതര ഇടങ്ങളും സമാധാന തുരുത്തുകളും സൃഷ്ടിക്കാൻ യുവജനങ്ങള്‍ ഒരുമിച്ചു മുന്നേറണമെന്ന്​ സംഘടന പ്രതിനിധികള്‍ അഭിപ്രായപ്പെട്ടു. പ്രസിഡന്‍റ്​ പാണക്കാട് മുനവറലി ശിഹാബ് തങ്ങള്‍ അധ്യക്ഷത വഹിച്ചു. വിവിധ സംഘടനകളെ പ്രതിനിധാനംചെയ്ത് ഹമീദലി ശിഹാബ് തങ്ങള്‍, ഷാഫി പറമ്പില്‍ എം.എല്‍.എ, കെ.എം. അഭിജിത്ത്, കെ.എ. റഷീദ് ഫൈസി വെള്ളായിക്കോട്, ഷരീഫ് മേലേതില്‍, ജംഷീര്‍ ഫാറൂഖി എന്നിവർ പ​ങ്കെടുത്തു. ജനറല്‍ സെക്രട്ടറി പി.കെ. ഫിറോസ് സ്വാഗതം പറഞ്ഞു.