'അംബേദ്കർ വംശീയ രാഷ്ട്രീയത്തിനെതിരായ പോരാട്ടത്തിന്‍റെ ഊർജം'

കോഴിക്കോട്: ഡോ. ബി.ആർ. അംബേദ്കറുടെ ഓർമകൾ വംശീയ രാഷ്ട്രീയത്തിനെതിരായ പോരാട്ടത്തിന്റെ ഊർജമാണെന്ന് ഫ്രറ്റേണിറ്റി മൂവ്മെന്റ് സംസ്ഥാന വൈസ് പ്രസിഡന്റ്‌ നഈം ഗഫൂർ. ഫ്രറ്റേണിറ്റി മൂവ്മെന്റ് അംബേദ്കർ ജന്മദിനത്തോടനുബന്ധിച്ച് സംഘടിപ്പിച്ച വിദ്യാർഥി-യുവജന സംഗമം ഉദ്ഘാടനം നിർവഹിക്കുകയായിരുന്നു അദ്ദേഹം. ജില്ല ജനറൽ സെക്രട്ടറി ലബീബ് കായക്കൊടി അധ്യക്ഷത വഹിച്ചു. മുക്കം മാട്ടുമുറിയിൽ നടന്ന പരിപാടിയിൽ കെ.ടി. അഫ്നാൻ, തസ്‌നി, പ്രമിത എന്നിവർ സംസാരിച്ചു. കലാപരിപാടികൾ അരങ്ങേറി.