വാഹനങ്ങൾക്കുനേരെ കാട്ടുപന്നി ആക്രമണം *ഒരാഴ്ചക്കിടെ രണ്ടിടങ്ങളിലുണ്ടായ ആക്രമണത്തിൽ രണ്ട് യാത്രികർക്ക് പരിക്ക്

തിരുവമ്പാടി: ഭീതിവിതച്ച് വാഹനങ്ങൾക്ക് നേരെയും കാട്ടുപന്നികളുടെ ആക്രമണം. ഒരാഴ്ചക്കിടെ രണ്ടിടങ്ങളിലാണ് കാട്ടുപന്നി റോഡിലിറങ്ങി ആക്രമിച്ചത്. തിരുവമ്പാടി - പുല്ലൂരാംപാറ റോഡിൽ കളിയാമ്പുഴയിൽ ഞായറാഴ്ച രാത്രിയാണ് ഓട്ടോറിക്ഷക്കുനേരെ കാട്ടുപന്നി ആക്രമണമുണ്ടായത്. നിയന്തണം വിട്ട ഓട്ടോ സമീപത്തെ തോട്ടിലേക്ക് മറിഞ്ഞു. ഡ്രൈവർ പുത്തൻവീട്ടിൽ മനോജിന് പരിക്കേറ്റു. മൂന്നുദിവസം മുമ്പ് തിരുവമ്പാടി - കോടഞ്ചേരി റോഡിൽ ബൈക്ക് യാത്രികനുനേരെയും കാട്ടുപന്നി ആക്രമണമുണ്ടായി. കൃഷിയിടങ്ങളിലിറങ്ങി നാശം വിതച്ചിരുന്ന കാട്ടുപന്നികൾ റോഡുകളിൽ വാഹനയാത്രികരെ ആക്രമിക്കുന്നത് ആശങ്ക പരത്തിയിട്ടുണ്ട്.