​ജെ.എൻ.യുവിലെ അക്രമം: എസ്​.എഫ്​.ഐ പ്രകടനം നടത്തി

കോഴിക്കോട്: ഡൽഹി ജെ.എൻ.യു സർവകലാശാലയിൽ ഭക്ഷണ സ്വാതന്ത്ര്യത്തിന് നിലകൊണ്ട പ്രവർത്തകരെ എ.ബി.വി.പിക്കാർ ആക്രമിച്ചതിൽ പ്രതിഷേധിച്ച് എസ്​.എഫ്​.ഐ ജില്ല കമ്മിറ്റി നഗരത്തിൽ പ്രകടനം നടത്തി. പ്രതിഷേധ യോഗം ജില്ല സെക്രട്ടറി കെ.വി. അനുരാഗ് ഉദ്ഘാടനം ചെയ്തു. പ്രസിഡന്‍റ്​ പി. താജുദ്ദീൻ അധ്യക്ഷത വഹിച്ചു ജില്ല ജോ. സെക്രട്ടറിമാരായ മുഹമ്മദ് സാദിഖ്, കെ. മിഥുൻ, വൈസ് പ്രസിഡന്‍റ്​ ​ജാൻവി കെ. സത്യൻ, സെക്രട്ടേറിയറ്റംഗം എസ്​. നന്ദന എന്നിവർ സംസാരിച്ചു.