'കർഷകത്തൊഴിലാളികളെ ദ്രോഹിക്കുന്ന സമീപനം സർക്കാർ വെടിയണം'

ഓമശ്ശേരി: കർഷകത്തൊഴിലാളി ക്ഷേമനിധിയിൽ അംഗങ്ങളായ തൊഴിലാളികൾ പെൻഷനുവേണ്ടി അപേക്ഷ നൽകുമ്പോൾ വിവിധ കാരണങ്ങൾ പറഞ്ഞ് നിഷേധിക്കുന്ന സമീപനമാണ് സർക്കാറിന്റെ ഭാഗത്തുനിന്നുണ്ടാകുന്നതെന്ന് കേരള കർഷകത്തൊഴിലാളി ഫെഡറേഷൻ എസ്.ടി.യു ഓമശ്ശേരി പഞ്ചായത്ത് കമ്മിറ്റി ആരോപിച്ചു. പഞ്ചായത്ത് അംഗം സി.എ. ആയിഷ അധ്യക്ഷത വഹിച്ചു. പുതുതായി ക്ഷേമനിധിയിൽ അംഗമായ തൊഴിലാളികൾക്കുള്ള പാസ്ബുക്ക് കെ.കെ.ടി.എഫ് ജില്ല ജന. സെക്രട്ടറി പി.സി. മുഹമ്മദ് ആരാമ്പ്രം വിതരണം ചെയ്തു. ജില്ല സെക്രട്ടറി കെ. സുലൈമാൻ മുഖ്യപ്രഭാഷണം നടത്തി. പഞ്ചായത്ത് അംഗം ഫാത്തിമ അബു സ്വാഗതം പറഞ്ഞു. കെ.കെ.ടി.എഫ് പഞ്ചായത്ത് കമ്മിറ്റിക്ക് രൂപംനൽകി. ഭാരവാഹികൾ: സി.എ. ആയിഷ (പ്രസി), കെ. സുലൈമാൻ മാനിപുരം (ജന. സെക്ര), ഫാത്തിമ അബു (ട്രഷ).