വാവാട് സ്കൂൾ കുടിവെള്ള പദ്ധതിക്ക് തുടക്കം

കൊടുവള്ളി: വാവാട് ജി.എം.എൽ.പി സ്കൂളിൽ കുടിവെള്ളം പദ്ധതി കൊടുവള്ളി നഗരസഭ ചെയർമാൻ വെള്ളറ അബ്ദു ഉദ്ഘാടനം ചെയ്തു. കൗൺസിലർ കെ.കെ. പ്രീത അധ്യക്ഷത വഹിച്ചു. വിരമിക്കുന്ന പ്രധാനാധ്യാപിക വത്സമ്മ മാത്യുവിന് യാത്രയയപ്പ് നൽകി. ഈ വർഷം എൽ.എസ്.എസ് നേടിയ ഹൈഫ ഫെബിക്കും അറബിക് ടാലൻറ് എക്സാം വിജയിച്ച ലിയ ഫാത്തിമക്കും ഉപഹാരങ്ങൾ നൽകി. നഗരസഭ വൈസ്ചെയർപേഴ്സൻ കെ.എം. സുശിനി, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എൻ.കെ. അനിൽകുമാർ, ഷരീഫ കണ്ണാടിപ്പൊയിൽ, പ്രധാനാധ്യാപിക വത്സമ്മ മാത്യു, ഒ.കെ. മജീദ്, ഒ.പി. മജീദ് അബ്ദുൽ മജീദ്, വി.കെ. അബൂബക്കർ, വി.പി. നാസർ, വാഴമ്പലത്ത് മുഹമ്മദ് എന്നിവർ സംസാരിച്ചു.