പ്രഭാഷണ പരമ്പര നാളെ സമാപിക്കും

കോഴിക്കോട്: 'വിശുദ്ധ റമദാൻ വിശുദ്ധ ഖുർആൻ' പ്രമേയത്തിൽ ടൗൺ ഏരിയ സുന്നി കോഓഡിനേഷൻ കമ്മിറ്റിയുടെ ആഭിമുഖ്യത്തിൽ നടന്നുവരുന്ന 24-ാമത് വാർഷിക റമദാൻ പ്രഭാഷണത്തിന് നാളെ സമാപനം. മുഹമ്മദലി കടപ്പുറത്ത് നാലു ദിവസങ്ങളിലായി നടക്കുന്ന പ്രഭാഷണത്തിന് മസ്​ഊദ് സഖാഫി ഗൂഡല്ലൂരാണ് നേതൃത്വം നൽകുന്നത്. ഞായറാഴ്ച രാത്രി 10ന് ആത്മീയ സംഗമത്തിന് മുഹ്സിൻ അലവി കോയ തങ്ങൾ കുഞ്ചിലം നേതൃത്വം നൽകും. സ്​ത്രീകൾക്ക് സൗകര്യം ഏർപ്പെടുത്തിയിട്ടുണ്ടെന്ന്​ സംഘാടകർ അറിയിച്ചു.