യാത്രയയപ്പും അനുമോദനവും

വടകര: നഗരസഭയിലെ വിരമിക്കുന്ന അധ്യാപകര്‍ക്കും എ.ഇ.ഒ ക്കും യാത്രയയപ്പ് നല്‍കി. നഗരസഭ ചെയര്‍പേഴ്‌സണ്‍ കെ.പി. ബിന്ദു ഉദ്ഘാടനം ചെയ്തു. വൈസ് ചെയര്‍മാന്‍ കെ.കെ. വനജ അധ്യക്ഷത വഹിച്ചു. ഡയറ്റ് പ്രിന്‍സിപ്പാള്‍ പ്രേമരാജ് മുഖ്യതിഥിയായി. നഗരസഭ ടൗണ്‍ ഹാളില്‍ നടന്ന പരിപാടിയില്‍ കെ.കെ. ശിവദാസന്‍ മുഖ്യപ്രഭാഷണം നടത്തി. നഗരസഭയിലെ എല്‍.എസ്.എസ്, യു.എസ്.എസ് ജേതാക്കളെ അനുമോദിച്ചു. 170 കുട്ടികള്‍ എല്‍.എസ്.എസും 104 പേര്‍ യു.എസ്.എസും നേടി. നഗരസഭ സെക്രട്ടറി എന്‍.കെ ഹരീഷ്, വിദ്യാഭ്യാസ സ്റ്റാന്‍ഡിങ് കമ്മിറ്റി അധ്യക്ഷരായ സിന്ധു പ്രേമന്‍, പി. വിജയി, പി. സജീവ് കുമാര്‍, എ.പി പ്രജിത, എം. ബിജു തുടങ്ങിയവര്‍ പങ്കെടുത്തു. ചിത്രം വടകര നഗരസഭ യാത്രയയപ്പും അനുമോദന യോഗവും നഗരസഭ ചെയര്‍പേഴ്‌സണ്‍ കെ.പി. ബിന്ദു ഉദ്ഘാടനം ചെയ്യുന്നു Saji 2.